D Janine Gerspach (* 3. Juni 1993 z Bad Säckige) isch e dytschi Musikeri un Sozialarbaiteri. Mer chännt si in dr Region vor allem unter irem Chinschtlername Nine Gees.

LääbeBearbeite

D Gerspach isch z Säckige ufgwachse un uf d Schuel gange. Noch em Abitur het si z Villinge un z Köln Sozialarbet studiert. Si schafft bim Landkrais as Sozialarbaiter. Aafangs het si z Löörech gwoont, syt em Summer 2019 läbt si z Schopfe.

Wu si anne 2016 uf eme Mittelalterfestival Irish Folk chänneglehrt het, het si mit em Gyygespiile aagfange. Anne 2017 het si z Basel d Band „The Green Goblins“ mitgrindet. Si hän in dr Region Kunzärt gee un Stroßemusik gmacht. Mit dt Goblins hetd Gerspach dr Stroßemusikerbryys „Emmendinger Flöte“ gwunne. Speter isch si Mitglid vu dr „Spielleute Skadefryd“ wore, wu 2013 z Säckige grindet woore sin. 2018 hän si dr Publikumsbryys „Der güldene Trompeter“ gwunne. Derzue spiilt si as Gaschtmusikeri in verschidene Folk- un Mittelalter-Ensemble. Syter 2019 duet d Gerspach au Gyyge unterichte. Näbe Gyyge spiilt d Gerspach mänkmol au Whistle un Bodhran.

WeblinkBearbeite