Octavio Paz

Dr Octavio Paz Lozano loose^ⓘ^/?(* 31. Merz 1914 z Mixcoac, hite Mexiko-Stadt; † 20. April 1998 z Mexiko-Stadt) isch e mexikanische Schriftsteller un Diplomat gsii. Är het anne 1990 dr Nobelbryys fir Literatur iberchuu.

Lääbe

Dr Paz isch uf d Wält chuu as Suhn vum Octavio Paz Solórzano un dr Josefina Lozano. Sy Vater isch en active Unterstitzer vu dr Revolution gege s Reschiim vum Porfirio Díaz gsii. Dr Octavio Paz isch im Dorf Mixcoac ufgwachse, wu hite zue Mexiko-Stadt ghert.

Dr Paz het Jura un Philosophy studiert, zerscht z Mexiko, speter as Guggenheim-Stipendiat z San Francisco un z New York. Anne 1937 het er s Studium abbroche un het e Sekundarschuel fir indianischi Arbaiter- un Buurechinder uf dr mexikanische Halbinsle Yucatán grindet.

Anne 1945 isch dr Paz in dr diplomatisch Dienscht vu Mexiko yydrätte. Bis 1962 het er z Frankrych gschafft, unter anderem zämme mit em Pablo Neruda. In däre Zyt isch dr Essay El laberinto de la soledad (dt. Das Labyrinth der Einsamkeit) entstande, ne Erforschig vu dr mexikanischen un latynamerikanische Identitet. E surrealistische Yyfluss uf sy Wärch het sich gee dur d Zämmenarbet mit em André Breton un em Benjamin Péret. Im Spanische Burgerchrieg het d Paz kämpft uf dr Syte vu dr Republikaner.

Anne 1962 isch dr Paz mexikanische Botschafter z Indie wore. Im Johr 1968 het di diplomatisch Laufbahn niderglait us Protescht gege s Massaker an Studänte uf dr Plaza de Tlatelolco z Mexiko-Stadt. Im Johr 1971 isch er uf Mexiko zrugggange, wun er derno bis zue sym Dod gläbt het.

Zue syne wichtigschte lyrische Wärch zelle Piedra de sol (dt. Sonnenstein) us dr 50er Johr, e Wärch wu in syre Wirkig uf di latynamrikanisch Literatur vergliche wird mit dr Wirkig vu s T. S. Eliots The waste land uf di änglischsprochig Literatur, Blanco (Weiß) us dr 60er Johr un Pasado en claro (Von der Kladde zur Klarheit) us dr 70er Johr. Die drei Wärch sin unter em Titel Die großen Gedichte au uf Dytsch uusechuu.

Wärch

Lyrik

1933 - Luna Silvestre
1936 - ¡No pasarán!
1937 - Raíz del hombre
1937 - Bajo tu clara sombra y otros poemas sobre España
1942 - A la orilla del mundo
1951 - ¿Aguila o sol? (Adler oder Sonne?)
1957 - Piedra de sol
1958 - Libertad bajo palabra (Freiheit auf Ehrenwort)
1962 - Salamandra
1969 - Ladera Este
1976 - Vuelta
1987 - Árbol Adentro (In mir der Baum)
1998 - Delta de cinco brazos (Das fünfarmige Delta)

Prosa

1950 - El laberinto de la soledad (Das Labyrinth der Einsamkeit)
1956 - El arco y la lira (Der Bogen und die Leier)
1957 - Las peras del olmo
1965 - Cuadrivio
1966 - Puertas al Campo
1967 - Corriente Alterna
1967 - Claude Levi-Strauss o el nuevo festín de Esopo
1968 - Marcel Duchamp o el castillo de la Pureza
1969 - Conjunciones y Disyunciones (Verbindungen - Trennungen)
1969 - Postdata (Furtsetzig vu El laberinto de la soledad)
1973 - El signo y el Garabato
1973 - Apariencia desnuda (Nackte Erscheinung)
1974 - Los Hijos del Limo (Die andere Zeit der Dichtung)
1974 - El mono gramático (Der sprachgelehrte Affe)
1979 - El Ogro Filantrópico (Der menschenfreundliche Menschenfresser)
1979 - In-mediaciones
1982 - Sor Juana Ines de la Cruz o las trampas de la fe (Sor Juana Ines de la Cruz oder die Fallstricke des Glaubens.)
1983 - Tiempo Nublado
1983 - Sombras de Obras
1984 - Hombres en su Siglo
1990 - Pequeña Crónica de Grandes Días
1990 - La Otra Voz (Die andere Stimme)
1991 - Convergencias
1992 - Al Paso
1993 – La Llama Doble (Die doppelte Flamme. Liebe und Erotik)
1994 - Itinerario) (Itinerarium, Autobiografy)
1995 - Vislumbres de la India (Im Lichte Indiens)

Uuszaichnige

1963: Grand Prix International de Poésie, Belgien
1977: Bryys vu dr Stadt Jerusalem
1977: Premio Nacional de Letras, Mexiko
1977: Premio Crítico de Editores de España
1978: Aigle d’Or, Frankreich
1980: Ollin Yolitzli, Mexiko
1982: CPremio Cervantes, Spanien
1982: Neustadt International Prize for Literature, Oklahoma
1984: Friedenspreis des Deutschen Buchhandels
1990: Nobelbryys fir Literatur
1994: Großchryz vu dr franzesische Ehrelegion
1998: Großchryz Isabel la Católica, Spanie

Sekundärliteratur

Alberto Ruy-Sánchez: Octavio Paz, Leben und Werk. Eine Einführung. Suhrkamp Verlag, 1990, Frankfurt. Taschenbuch 1984, ISBN 3-518-38394-9
Peter Sinnemann: Der Einfluß des Buddhismus auf Octavio Paz’ Kritik der okzidentalen Kultur der Moderne. In: Iberoamericana. Lateinamerika. Spanien. Portugal. 20. Jahrgang, 1996, Nr. 2 (62), S. 62–87
Sinnemann, Peter. Octavio Paz: Vislumbres de la India. Un diálogo con la condición humana. Barcelona 1995. In: Iberoamericana. Lateinamerika. Spanien. Portugal. 20. Jahrgang, 1996, Nr. 2 (62), S. 88–90

Weblink

Commons: Octavio Paz – Sammlig vo Multimediadateie

Literatur vu un iber Octavio Paz im Katalog vum Ibero-Amerikanische Institut Preußischer Kulturbesitz, Berlin
Literatur vum un iber dr Octavio Paz im Katalog vu dr Bibliothek vum Instituto Cervantes z Dytschland
Informatione vu dr Nobelstiftig zue dr Pryysverleihig 1990 an Octavio Paz (änglisch)