OrangeCinema isch en Openair-Kino Veraastaltig, wo jedes Joor im Summer in de Schwizer Stedt Basel, Bärn, Gämf, Lausanne und Züri abghalte wird. Si het s erste Mol 1989 z Züri as Kino am See stattgfunde.

OrangeCinema (2010) beim Zürichhorn

E Zit lang het si Philip Morris Openair-Kino ghäisse, und isch 1991 uf Basel und Bärn, spööter au uf Gämf und Losann usdeent worde. Hüt isch s die grössti sonigi Veraastaltig in dr Schwiz. Sit 1999 häisst si noch iirem Hauptsponsor Orange OrangeCinema. D Openairs z Züri, Basel und Bärn wärde vo dr Firma Cinerent Open Air AG organisiert, die z Gämf und z Losann vo lokale Veraastalter.

S OrangeCinema z Züri het 2007 48'552 Bsuecher ghaa und isch s grösste Openair-Kino in dr Schwiz. Es findet zwüsche Middi Juli und Middi August bim Zürihorn diräkt am Zürisee statt. Es het e Liinwand, wo 24,90 Meter bräit und 13,50 Meter hooch isch und öbbe 1'700 Sitzblätz, und verschiideni Gastronomiibedriib. S Brogramm umfasst Vorpremierene, aktuelli Kinofilm und Spezialööbe.

Z Basel findet s OrangeCinema in dr Reegle in de erste drei August-Wuche uf em Münsterblatz statt. Es isch mit er e20,50 Meter bräite und 11,34 Meter hooche Liinwand usgstattet und hett öbbe 1'500 Sitzblätz. 2007 het s bim OrangeCinema Basel 24'508 Bsuecher ghaa.

Z Bärn findet s OrangeCinema mäistens zwüsche Ändi Juli und Ändi August uf dr Groosse Schanze im Bärner Stadtzentrum statt. D Liinwand dört isch 22,10 Meter bräit und 12,10 Meter hooch und het öbbe 1'300 Sitzblätze. 2007 het s OrangeCinema Bärn 31'804 Zueschauer ghaa.

Weblingg ändere

  Dä Artikel basiert uff ere fräie Übersetzig vum Artikel „OrangeCinema“ vu de dütsche Wikipedia. E Liste vu de Autore un Versione isch do z finde.