Pamisos (Flussgott)
De Pamisos (altgriech. Πάμισος) isch i de griechische Mythologi de Gott vom messenische Fluss Pamisos.
Nochem Pausanias hett de König Sybotas festglait, as die messenische König jedes Joor em Pamisos opfere müend. Zodem hend chliini Chind a de Quelle vom Pamisos Hailig gfunde.
Siis Hailigtum a de Quelle bi Agios Floros isch i de 1930er Joore vom schwedische Archäoloog Natan Valmin uusgrabe wore. Inschrifte, wo do gfunde wore sind, bizüüget, as de Pamisos kultisch vereert woren isch. E Relief usem 2. Joorhundert v. Chr. stellt de Pamisos as e Stier dar.
Quelle
ändere- Pausanias: Raise z Griecheland 4.3.10; 4.31.4
Literatur
ändere- Otto Höfer: Pamisos. In: Wilhelm Heinrich Roscher (Hrsg.): Ausführliches Lexikon der griechischen und römischen Mythologie. Band 3,1, Leipzig 1902, Sp. 1345 (Digitalisat).
- Carina Weiß: Pamisos. In: Lexicon Iconographicum Mythologiae Classicae (LIMC). Band VII, Zürich/München 1994, S. 128–129.
- Natan Valmin: The Swedish Messenia Expedition, Lund 1938, S. 417-421.