Pamisos

De Pámisos (griechisch Πάμισος; früenner (slawisch) Πιρνάτζα, Pirnátza) isch de Hoptfluss vo Messenie und ghört zo de wasserriichste Flüss uf de Peloponnes. Sini perennierende Quelle liget bi Agios Floros a de Häng vom Taygetos. Do isch i de 1930er Joore vom schwedische Archäolog Natan Valmin en antiks Hailigtum vom Flussgott Pamisos uusgrabe wore.

e Fötteli vom Pamisos usem Joor 1912

Vo de Quelle bi Agios Floros flüüsst de Pamisos geg Weste und ninnt noch guet sechs Kilomeeter de Mavrozumenos uuf, wo vom Noorde herrchuntt. Mengisch werd de Mavrozumenos Pamisos gnennt. Er flüüst denn geg Süüde und mündet noch 17 Kilomeeter in Messenische Golf.

Antiki Quelle

• Strabon: Geographike 8.4.6
• Pausanias: Raise z Griecheland 4.3.10; 31.4; 34.1-4.

Literatur

• Felix Bölte: Pamisos 1. In: Paulys Realencyclopädie der classischen Altertumswissenschaft (RE). Band XVIII,3, Stuttgart 1949, Sp. 290–293.
• Cay Lienau; Eckart Olshausen: Pamisos 1. In: Der Neue Pauly (DNP). Band 9, Metzler, Stuttgart 2000, ISBN 3-476-01479-7, Sp. 211.