Tschätterle

Tschätterle wörd hochdütsch als Perkussion bezeichnèt (änglisch Percussion vom latynischè percussio „Schlaa“, „Tagt“, vom percutere, „schlaa“). Perkussion isch dè Obberbegriff für s Spiyl vo allnè Musiginschtrumènt us èm Beryych vo dè Schlag- un Effèktinschtrumänt. Tschätterle ghörèd zuè dè älteschtè Formè vo Inschtrumänt, wè-mò z. B. vum Händklatschè odder Händdrummlè uusgòt. I dè modernè populärè Musig sowiè im Schlagwärch von èm klassischè Orcheschter wörrèd d Perkussionsinschtrumänt unabhängig vo dè Zämmèghörigkeit bzgl. Hèrkumpft odder kulturellèm Urschprung mitnand kombinyrt.

Unterscheidigè

Im allgmeinè Sprõchgebruuch vo dè Pop- un Rockmusig wörd zwǜschè m „Schlagzüüg“ (drum set) un dè „suschtigè Perkussion“ (Latin-, African-, Orièntpercussion u. v. a.) unterschiddè. Sèlli Unterscheidig dèvu, well s Schlagzüüg è variabli Zämmèschtellig vo voschiddènè Drümmele un Tschätterle isch, wo uff è Musigrichtig aabasst isch. Für bschtimmti Tschätterle Conga, Bongos, Timbales un Maracas, bruucht mò spèzièlli Schlag- odder Spilltechnigè, wo èn Schlagzüüger (im ängèrè popularmusigalischè Sinn) nit immer bhèrrscht – un umkeert. Zuèdèm muè jeddes Inschtrumänt (Schlagzüüg un Tschätterle) mit èrè Person bsetzt sy, wenn sy glychzitig klingè söllèd.

Tschätterle Effäkt

Tschätterle Effäkt lôn sich au uff Inschtrumänt schpillè, wo nit primär dèfür gmacht sin. Sy wörrèd bsunders i dè Musig sit èm 20. Johrhundert als spezièlli Uusdruggsmittel ygsetzt. Sy chönnèd byschpillswyys durch Klappèschlaa bi Blõsinschtrumänt odder Chlopfè mit èm Holz von èm Bogè uff dè Korpus von èm Sitèinschtrumänt broduzyrt wörrè. Au bi dè Gitarrè wörrèd sy öfter im Jazz odder bi Solo-Uffdritt durch Chlopfè, Schlaa odder Tippè uff dè Korpus uusgfüürt (dèmit keini Schäddè git, wörd mèngmòl mit chlynè Holzblättle gschpillt, wo ebbèfalls zuè nèm perkussivè Klang füürèd). Au è präparyrtes Klavyr cha mò für Tschätterle Effäkt bruuchè.

Gsungèni Tschätterle Effäkt im Hip-Hop odder im modernè A-cappella-Gsang vo Gsangsensemble nennt mò Vocal Percussion odder Beatboxing.

È baar Vogelartè, öppè Spächt, chönnèd tschättèrè.

Tschätterle (Uuswaal)

Djembé (Becherdrummlè) un Balafon (Xǜlophon) vo dè Susu vo Guinea. Vor 1931

Luèg au

Objèkt-Tschätterle

Weblinggs

Commons: Percussion – Sammlig vo Multimediadateie

Dä Artikel basiert uff ere fräie Übersetzig vum Artikel „Perkussion_(Musik)“ vu de dütsche Wikipedia. E Liste vu de Autore un Versione isch do z finde.