Portal:Chunscht/Allgmain

Willchuu uf em Portal:Chunscht un Kultur

Mit em Wort Chunscht bezaichnet mer im wyteschte Sinn jeedi entwiggleti Deetigkait, wu uf Wisse, Iebig, Woornäämig, Vorstellig un Intuizioon basiert (Hailchunscht, d Chunscht frei e Reed z halte, usw.). Im ängere Sinn maint mer mit chunscht des, was uusechunnt, wänn e Meäsch ebbis broduziert, wu nit aidytig dur Funkzioone feschtglait isch. Chunscht isch e mänschlig Kulturbrodukt, s Resultaat vom ene kreative Brozäss. Am Änd vu däm Brozäss stoot vilmol s Chunschtwärch, aber syt dr Modärni cha s au dr Brozäss sälber syy. Dr Lyt, wu Chunscht im ängere Sinn betryybe, sait mer Chinschtler.

Syt dr Ufchleerig verstoot mer under Chunscht vor allem d Usdrucksforme vu dr Scheene Chinscht:

• Bildendi Chunscht mit dr klassische Gattige Moolerei un Grafik, Bildhauerei, Architäktuur
• Darstellendi Chunscht mit dr Hauptsparte Theater, Danz un Film
• Musik, lueg  Portal:Musik
• Litratuur, lueg  Portal:Literatur