Bildendi Kunst

Dr Begriff bildendi Kunst het sich sit em früejen 19. Joorhundert im dütsche Sproochruum as Sammelbegriff für d Künst, wo visuell gstalte, iibürgeret. In andere öiropäische Sprooche brucht mä dr Begriff Visuelli Kunst (änglisch Visual Arts, franzöösisch art visuel usw.). Die bildendi Kunst wird underschiide

vo de darstellende Künst wie Theater, Danz und Filmkunst,
vo dr Litratuur und
vo dr Muusig.

Landschaftstuschbild vom Dǒng Qíchāng (1555–1636)

Es git aber nid weenig Überschniidige zwüsche de verschidnige Kunstarte. D Wärk vo dr bildende Kunst häi mäistens e körperlig-rüümligi Dimensioon und iiri Wirkig chunnt diräkt vom Wärk sälber und brucht käi Interpreet, für dass dr Rezipiänt es chönnt woornää. Die andere Künst existiere in ere zitlige Dimensioon und wärde vo Interpreete em Publikum vorgfüert.

Zu de Kunstgattige vo dr bildende Kunst häi ursprünglig d Baukunst, d Bildhauerei, d Moolerei, d Zäichnig und d Grafik ghöört und s Kunstgwärb, wo au as aagwandti Kunst oder Gebruuchskunst bezäichnet wird. Wie sich nöiji Medie entwicklet häi und d Kunstbegriff im 20. Joorhundert immer mee usgwiitet worden isch, wird dr Begriff bildendi Kunst hüte seer vil witer gfasst und im Äinzelfall chä men en vilmol nid äidütig vo andere Kunstforme abgränze. S Kunstwärk, wo mä bis zum Aafang vo dr Modärne vor allem aagluegt het und mänggisch het chönne aalänge, isch im 20. und 21. Joorhundert vilmol prozässorientiert, isch öbbe nume no e räini Idee oder existiert nume as Handligsaawiisig. Anstatt dur e Gattigsbegriff definiert sich die aktuelli bildendi Kunst im ängere Sinn dur e Kunstbedriib und Kunstmäärt, wo etablierti Verdräter vo dr Kunstkritik, vom Kunsthandel, vo de Sammler und de Kunstmuseeum drzue ghööre.

In e baar vo de dütsche Bundesländer (z. B. Bade-Württebärg) wird dr Begriff bildendi Kunst usserdäm für s Schuelfach Kunst an allgemäinbildende Schuele brucht.

Litratuur

Johannes Jahn: Stefanie Lieb: Wörterbuch der Kunst. Kröner, Stuttgart 2008, ISBN 978-3-520-16513-8
Ernst Gombrich: Die Geschichte der Kunst. Phaidon, Berlin 1996
Günter Meißner (Hrsg.): Allgemeines Künstlerlexikon. Die bildenden Künstler aller Zeiten und Völker (AKL). Leipzig 1983ff. (bis Bd. 3), denn vo K.G. Saur übernoo: München/Leipzig 1992 ff. (Stand Ändi 2006: 52 Bänd bis Gheuse), ISBN 3-598-22740-X
Gérard du Ry van Beest Holle (Hrsg.): Kunstgeschichte. Von den Anfängen bis zur Gegenwart. Augsburg: Holle Verlag im Weltbild Verlag, Erlangen: Lizänzusgoob Karl Müller Verlag, 1991, o.ISBN
Thieme/Becker: Allgemeines Lexikon der bildenden Künstler von der Antike bis zur Gegenwart. 1907–1950 (37 Bände); mit dr Fortsetzig vom Hans Vollmer (Allgemeines Lexikon der bildenden Künstler des 20. Jahrhunderts, 1952–1962, 6 Bände).

Weblingg

Portal Kunstgeschichte
www.vlmp.museophile.com – Museeum uf dr ganze Wält
www.art-site.de – Usgweelti Website vo bildende Künstler / Linggverzäichnis zu Museeum, Galerie, Künstler, Bilder.
www.artou.de/kuenstler/ – Usgweelti bildendi Künstler us Dütschland & Östriich
www.prometheus-bildarchiv.de – „prometheus – S vertdälte digitale Bildarchiv für Forschig & Underricht e. V.“
www.universes-in-universe.de – Visuelli Künst in Afrika, Asien und Latiinamerika / Biennale-Dokumentazioone
ausstellungsportal.net – Aktuelli Usstellige z Dütschland, Östriich und dr Schwiz
euromuse.net - Aktuelli Usstellige und Usstelligsarchiv zu Usstellige us 26 öiropäische Länder
art49.wordpress.com – dezidierti Infos zu Kunstbriis, Stipändie, Usstellige und Kunstmässe
www.artipool.de – Informazioone über Kunstmuseeum, -veräin, Galerie, Künstler und aktuelle Usstellige

Dä Artikel basiert uff ere fräie Übersetzig vu dere Version vum Artikel „Bildende_Kunst“ vu de dütsche Wikipedia. E Liste vu de Autore un Versione isch do z finde.