Qala Panja (au Qila-e Panja, Qila-e Panjeh, Kila Punja, Kala Panja; persisch قلعه بنج‎) isch e Dorf im Wakhan-Korridor im üsserste Nordoste vo Afghanistan. Es ghöört zum Verwaltigsdistrikt Wakhan in dr Browinz Badachschan.[1]

قلعه بنج
Qala Panja
Qala Panja (Afghanistan)
Qala Panja
Qala Panja
Koordinate 36° 57′ N, 72° 19′ OKoordinate: 36° 57′ N, 72° 19′ O
Basisdate
Staat Afghanistan

Provinz

Badakhshan
Höchi 2820 m

S Dorf isch 83 km vo Ishkashim am Iingang zum Wakhan-Korridor und lit uf ere Hööchi vo 2'820 m und im ene sichere Abstand vom Fluss Pjandsch, wo 34 km oben am Ort entstoot, dört wo dr Pamir und Wakhan inenanderfliesse.[2]

Im Joor 2002 het mä im Dorf 72 Huushalt mit 640 Iiwooner zelt.[3]

Hüte isch Sarhad-e Broghil, wo 115 km witer im Wakhan lit, dr letscht Ort, wo s ganze Joor duure bewoont isch,[1] aber in de Zite vo de Karawane isch Qala Panja dr letscht Ort gsi, wo mä Ässe und Lastdier het chönne chaufe für dr 300 km langi Wääg über e Pamir uf Tashkurgan im Sarikol bzw. in Turkestan, em hütige Taxkorgan im chinesische Xinjiang.[4]

FuessnooteBearbeite

  1. 1,0 1,1 Wakhan & the Afghan Pamir Archivlink (Memento vom 23. Jänner 2011 im Internet Archive) (PDF-Datei; 3,88 MB) veröffentligt vo dr Aga Khan Foundation-Afghanistan.
  2. Aagoobe us Google Maps und Google Earth
  3. Afghanistan Wakhan Mission Technical Report (PDF-Datei; 3,73 MB) Veröffentlichung des UNEP - United Nations Environment Programme und der FAO - Food and Agriculture Organization, 2003
  4. Derek Waller: The Pundits. The University Press of Kentucky, Kentucky 1990, ISBN 0-8131-1666-X; Digitalisat auf Google Books
  Dä Artikel basiert uff ere fräie Übersetzig vum Artikel „Qala_Panja“ vu de dütsche Wikipedia. E Liste vu de Autore un Versione isch do z finde.