Raimon Galí i Herrera

Dr Raimon Galí i Herrera, wo anne 1917 z Barcelona uf d Wält choo und anne 2005 gstorben isch, isch e katalanische Dichter und Sproochaktivischt gsi.

Er isch dr Soon vom Alexandre Galí i Coll gsi. Er het a dr Autonome Uni vo Barcelona Filosofy und Literatur agfange studiere, und er het scho gly bi dr patriotische katalanische Bewegig Palestra mitgmacht. I dr Zyt vom spanische Bürgerchrieg isch er uff d Militärschuel Escola Popular de Guerra de la Generalitat de Catalunya. Er isch de Offizier im Zääte republikanische Militärkoor woorde und anne 1939 isch er is Exil uf Kuba und spööter uf Mexiko, won er vo 1040 bis 1944 Antropology und Gschicht studiert und bi archäologischen Usgrabige mitghulfe het.

Im Joor 1948 isch dr Galí i Herrera uf Kataloonie zrugg. Er isch e wichtigi Figuur vo der autonome Kulturbewegig und vo den Antifrankischte i dämm Land gsi und het bi der Acadèmia de Llengua Catalana mitgmacht. Er het au dr regionali Pfadfinderbewegig ghulfe.

As Schriftsteller het me nen i Zytigen und Zytschrifte chönne lääse. 1983 het er für syni Arbet s Sankt-Georgs-Chrüüz übercho.

Wäärch

• Senyals de camí, 1963
• Els camins de l'estimar, 1981
• Recalada, 1984
• Signe de contradicció, 1985–1996
• El brancatge, dins el recull Jordi Pujol, un polític per a un poble, 1984
• La ciutat. Les arrels de la democràcia, 1995
• La mística i la política. La terra: per una doctrina moral, 1997
• L'amor en la història, 1997
• Memòries, 2004