Rainer Stadelmann

Dr Rainer Stadelmann (* 24. Oktober 1933 z Eadi; † 14. Jänner 2019) isch e dytsche Egyptolog gsii.

Lääbe un Forschig

No sym Abitur z Neuburg an der Donau anne 1953 het dr Stadelmann Egyptology, Altorientalischtik un Archeology an dr Universitet Minche studiert. In dr Johr 1955 un 1956 het er vier Monet an dr Uusgrabige am Sunnehailigdum vum Userkaf z Abusir dailgnuu. Im Summer 1957 het er sy Studium an dr Universitet Haidelberch furtgsetzt un 1960 in Egyptology iber Syrisch-Palästinensische Gottheiten in Ägypten promoviert. Bis 1967 isch er wisseschaftlige Assischtänt z Haidelberch gsii un het si dert 1968 habilitiert. Ab 1968 isch dr Rainer Stadelmann wisseschaftlige Diräkteor am Dytsche Archeologische Inschtitut Kairo (DAIK) gsii, vu 1989 bis 1998 isch er dert dr Erscht Diräkter gsii. An dr Universitet Haidelberch isch der syt 1975 Honorarbrofässer gsii.

Dr Rainer Stadelmann het an vyl Grabige dailgnuu, zem Byschpel z Elephantine, z Theben un z Dahschur. Är isch korreschpondierend Mitglid vu dr Académie des Inscriptions et Belles-Lettres gsii.

Publikatione

• Syrisch-palästinensische Gottheiten in Ägypten (= Probleme der Ägyptologie. Band 5). Brill, Leiden 1967 (Dissertation, Heidelberg 1960).
• Die ägyptischen Pyramiden. Vom Ziegelbau zum Weltwunder (= Kulturgeschichte der Antiken Welt. Band 30). Philipp von Zabern, Mainz 1985/1997, ISBN 3-8053-1142-7.
• Die grossen Pyramiden von Giza. Akademische Druck- und Verlags-Anstalt, Graz 1990, ISBN 3-201-01480-X.

Fueßnote

Dä Artikel basiert uff ere fräie Übersetzig vu dere Version vum Artikel „Rainer_Stadelmann“ vu de dutsche Wikipedia. E Liste vu de Autore un Versione isch do z finde.