Reformarchidektur

Reformarchidektur, au Reformstiil oder Reformbaukunst, isch e Begriff wo am Aafang vom 20. Joorhundert ufchoo isch für dä Däil vo de Archidekturströömige, wo denn mit em Stiil vom Historismus broche häi, aber witer dradizionelli Baumaterialie und Bauwiise verwändet häi. Si het sich in däm wääsentlig vom Dütsche Wärkbund underschiide, wo für s Nöije Baue iidräte isch. S Nöije Baue het ebefalls sachligi und schlichti Forme bevorzugt aber modärni Baumaterial wie Beton verwändet. Will vilmol regionali Dradizione e groosse Iifluss gha häi, cha män e Hufe vo de Baute, wo zur Reformarchidektur zelt wärde, au mit em Begriff Häimetschutzarchidektur oder Häimetarchidektur bezäichne, wo scho lengeri Zit bekannt gsi isch. Anderi Baute hingege zäige Iiflüss vom Juugedstiil.

Hans Erlwein: Entwurf für e Schuelgeböid z Arnsdorf bi Dresde, 1911, im Häimetschutzstiil vo dr Reformarchidektur

Bekannti Verdräter vo dr Reformarchidektur

• Peter Behrens
• Albert Gessner
• Wilhelm Kreis
• Georg Metzendorf
• Hermann Muthesius
• Curt Karl Rüschhoff
• Heinz Stoffregen
• Heinrich Tessenow
• Archidekturbüro Matthar & Scheler
• Archidekturbüro Raabe & Wöhlecke
• Archidekturbüro Schilling & Graebner

Litratuur

• Sigrid Hofer: Reformarchitektur 1900–1918. Deutsche Baukünstler auf der Suche nach dem nationalen Stil. Edition Axel Menges, Stuttgart / London 2005, ISBN 3-936681-01-5
• Julius Posener: Die Architektur der Reform (1900–1924). (= Vorlesungen zur Geschichte der Neuen Architektur, Teil II.) In: arch+, Jahrgang 1980, Heft 5 (September 1980).
• Vittorio Magnago Lampugnani, Romana Schneider (Hrsg.): Moderne Architektur in Deutschland. Reform und Tradition. Hatje, Stuttgart 1992, ISBN 3-7757-0363-2.
• Ulrich Hübner et al.: Symbol und Wahrhaftigkeit. Reformbaukunst in Dresden. Verlag der Kunst Dresden, Husum 2005, ISBN 978-3-86530-068-3.
• Volker Helas, Gudrun Peltz: Jugendstilarchitektur in Dresden. Knop, Dresden 1999, ISBN 3-934363-00-8.

Weblingg

 Commons: Reformarchidektur in Dütschland – Sammlig vo Multimediadateie