Reinhold Gall
| Dialäkt: Undermarkgreflerisch |
Dr Reinhold Gall (* 31. Oktober 1956 z Sülzbach) isch e dytsche Bolitiker (SPD). Vu Mai 2011 bis Mai 2016 isch er Inneminischter vum Land Bade-Wirttebärg gsii.
Läbe
ändereDr gleert Färnmäldetächniker Reinhold Gall het syy bolitischi Laufbahn in dr Kommunalbolitik aagfange. Anne 1984 isch er in dr Gmairot vu dr Gmai Obersulm (Landchrais Haalbrunn) gwehlt wore, 1989 isch er Ortsvorsteher vu syym Haimetort Obersulm-Sülzbach wore, 1994 isch er in dr Chraisdag yyzoge. Bi dr Landdagswahl 2001 wisch er fir dr Wahlchrais Neckarsulm in dr Landdag vu Bade-Wirttebärg gwehlt wore, bi dr Wahle 2006 un 2011 isch er widergwehlt wore. Syt 2006 isch er Barlemäntarische Gschäftsfierer vu dr SPD-Landdagsfraktion gsii. Är isch inne- un bolizeibolitische Sprächer vu dr Fraktion gsii, vu 2004 bis 2006 derzue au Vorsitzende vum Innenuusschuss.
Dr Gall isch syter anne 2009 Vorsitzende vum Chraisfyyrwehrverband Haalbrunn un syt 1984 Chraisuusbilder vu dr Fyyrwehre im Landchrais Haalbrunn. Bis Juni 2007 isch er au Landesgschäftsfierer vu dr Sozialdemokratische Gmainschaft fir Kommunalbolitik (SGK) gsii.
Am 12. Mai 2011 isch dr Gall as Inneminischter vu dr grien-rote Regierig z Bade-Wirttebärg veraidigt wore. Syyni Ämter as Ortsvorsteher vu Sülzbach (1989–2011), Mitglid vu dr SPD-Fraktion im Chraisgad (1994–2011, ab 1999 as Vorsitzende) un Mitglid vuim Gmairot vu Obersulm (1984–2011) het er doderfir mieße ufgee.[1]
Dr Reinhold Gall isch ghyrote un het zwee Sihn.
Weblink
ändere
Commons: Reinhold Gall – Sammlig vo MultimediadateieFueßnote
ändere- ↑ Große Zustimmung für die Beförderung von Reinhold Gall und Ingo Rust. In: Heilbronner Stimme. 5. Mai 2001 (bei stimme.de [abgerufen am 10. Juni 2011]).
|
Dä Artikel basiert uff ere fräie Übersetzig vum Artikel „Reinhold_Gall“ vu de dütsche Wikipedia. E Liste vu de Autore un Versione isch do z finde. |