Renée Weibel

D Renée Weibel (* 23. Dezämber 1984 z Bärn) isch e Schwyzer Schauspiileri un Unternämeri.

Lääbe

D Renée Weibel isch vu 2000 bis 2003 uf di staatli Ballettschuel Berlin gange un het dert iri Uusbildig as staatli briefti Bihnedänzeri abgschlosse. Derno het si verschideni Theaterrolle ibernuu. Zwische 2006 un 2009 isch si uf d Filmschauspiilschuel Berlin gange. Vu 2009 bis 2012 het d Renée Weibel in dr ARD-Serie Verbotene Liebe d „Helena Gräfin von Lahnstein“ gspiilt. Dert het si au ire Partner Dirk Moritz chännegleert, zytwys hän si au in dr Serie zäme ne Liebesbaar gspiilt. Anne 2018 sin si Eltere vun eme Suhn wore, 2019 hän si ghyrote. Im Septämber 2020 hän si zäme ne Dochter iberchuu.

Aktuäll isch d Weibel Inhaberi un Gschäftsfiereri vun eme Immobilienunternäme.

Theaterrolle

• 2003–2004: Rusalka
• 2003–2004: Schwanensee
• 2004: Dornröschen
• 2005–2006: Das Phantom der Oper

Filmografy

• 2004: Schnee im Sommer
• 2008: Uncut!
• 2009: Success
• 2009: Aktenzeichen XY/Serie Securitel
• 2009–2012: Verbotene Liebe
• 2014: Jojo sucht das Glück
• 2015: Alles was zählt

Weblink

• Renée Weibel in dr Internet Movie Database
• d Renée Weibel bi ire Agäntur
• d Renée Weibel bi dw
• Instagram-Account vu dr Renée Weibel

Dä Artikel basiert uff ere fräie Übersetzig vu dere Version vum Artikel „Renée_Weibel“ vu de dütsche Wikipedia. E Liste vu de Autore un Versione isch do z finde.