Richardson A. Scurry
Dr Richardson A. Scurry (* 11. Novamber 1811 z Gallatin, Tennessee; † 9. Àwrìl 1862 z Hempstead, Texas) ìsch a US-àmerikànischer Politiker gsìì. Ar isch vu 1843 bis 1844 dr Vorsìtzende vum Repräsantàntahüs vun dr Republik Texas und vu 1851 bis 1853 Mìtglìed vum Repräsantàntahüs vun da Verainigta Stààta fìr dr Bundestààt Texas gsìì.
| Dialäkt: Mìlhüüserdiitsch |
Biogràfi ändere
Dr Richardson A. Scurry ìsch àm 11. Novamber 1811 uf d' Walt kumma. Ar ìsch dr ältschta vu da fìmf Kìnder vum Thomas J. Scurry un dr Catherine Scurry geborena Bledsoe gsìì; si Brüader ìsch dr Konfédierierte Generàl William Read Scurry gsìì.
Dr Richardson Scurry ìsch zàrscht vun mehrera Privàtlahrer üssbildet worra und hàt nohher Racht bi a Àgheeriger, em Rìchter Josephus Conn Guild, gstudiart. Ar ìsch ànna 1830 àls Rachtsànwàlt züaglassa worra un hàt zàrscht z Covington ìn Tennessee gschàfft.
Ar ìsch ànna 1836 uf Texas üssgzoga un hàt sìch dr Àrmee vun dr Republik Texas ààgschlossa. Ar hàt àn dr Schlàcht vu San Jacinto teilgnumma àls erschter Unteroffiziar vun dr Kompanie, wo vum Isaac N. Moreland gfiart worra ìsch. Ar ìsch später erschter Lieutenant gsìì bis ar am 4. Oktober 1836 zrücktratta hàt. Derno hàt ar a ärfolgricher Ànwàltsbüro z Clarksville (Texas) grìnda.
Nohdam àss Texas unabhàngig vu Mexiko worra ìsch un sina eigena Regiarung gbìldet hàt, ìsch dr Scurry àls Sekretär vum Senàt ìm 1. Kongress vun Texas vum 2. Oktober bis àm 22. Dezamber 1836 ernannt worra. Ìm Dezamber 1836 ìsch ar vum Präsidànt Sam Houston àls Ànwalt vum 1. Gerìchtsbezirk ernnant worra. Ìm Janner 1840 ìsch ar vum Kongress vun Texas àls Rìchter vum 6. Gerìchtsbezirk ernannt worra un ìsch domìt àui biisìtzender Rìchter vum Ìwerschter Grìchthof vun Texas worra. Noh sim Rücktrìtt ìm Hornung 1841 ìsch ar dr Ànwalt vum 5. Gerìchtsbezirk worra un hàt glichzittlig àls Rachtsànwalt in San Augustine (Texas) zamma mìt em Brüder William, em Thomas Jefferson Rusk un em James Pinckney Henderson gschàfft. Üsseram hàt ar àls Milizsoldàt àn da Texanischa Indiànerkriaga teilgnumma.
Vu 1842 bis 1845 ìsch dr Scurry Mìtglied vum Repräsantàntahüs vun Texas ìn da 7. un 8. Kongressa gsìì. Ìm 8. Kongress ìsch ar dr Vorsìtzenda vum Repräsentàntahüs gsìì. Texas ìsch ànna 1845 a Bundesstààt vun da Verainigta Stààta worra. Ànna 1851 ìsch dr Scurry noh em Tod vum Davis S. Kaufman bi a Ersàtzwàhl àls Repräsantànt vun da Verainigta Stààta fìr dr 1. Wàhlbezirk vun Texas gwählt worra. Ar ìsch Mìtglìed vun dr Demokràtischa Partei gsìì.
Ìn Àuigscht 1854 ìsch em Scurry noh em Jàgdunfàll si Füaß àbgschnitta worra. Ìm Sezessionskriag hàt ar d' Konféderierta unterstìtza un ìsch ànna 1861 Owerscht vum Heer vu dr Konféderierta Stààta worra. Waga dr Verletzung hàt ar da Àmt nìtt känna versahn. Wagadam hàt ihn dr Generàl Albert Sidney Johnston àls Hàuiptfaldwawel ìn sinera Kräfta ernannt.
Ànna 1862 ìsch em Scurry si Bai abgschnìtta worra. Dr Scurry ìsch àwer àm 3. Àwrìl 1862 àn Folgeärkràkung ìn sim Hüs z Hempstead gstorwa. Ar ìsch uf em Hempstead Cemetery z Hempstead bestattet worra.
Dr Scurry hàt ànna 1843 d Evantha Foster ghairàta. 'S Pààr hàt nina Kìnder ghàà, drunter dr Thomas (1859–1911), wo a Generàl vu dr Texas National Guard worra ìsch.
Literàtür ändere
- L. W. Kemp: Richardson A. Scury. In: Handbook of Texas Online. Texas State Historical Association, abgruefen am 26. November 2020 (änglisch).
- James Daniel Lynch: The Bench and Bar of Texas. Nixon-Jones Printing Co., St. Louis (Missouri) 1885, S. 178 (englisch, archive.org).
Externa Links ändere
- Richardson A. Scurry im Biographical Directory of the United States Congress
- Richardson A. Scurry in dr Datebank vu Find a Grave