Dr David Spangler Kaufman (* 18. Dezamber 1813 z Boiling Springs, Pennsylvania; † 31. Janner 1851 z Washington, D.C.) ìsch a US-àmerikànischer Rachtsànwàlt, Politiker un Diplomat gsìì. Ar ìsch vu 1838 bis 1845 Mìtglìed vum Parlament vun dr Republik Texas un dernoh vu 1846 bis 1851 Mìtglìed vum Repräsantàntahüs vun da Verainigta Stààta fìr Texas gsìì.

Dr David S. Kaufman, c. 1850.

BiogràfiBearbeite

Dr David Spangler Kaufman ìsch ànna 1813 ìn era ditscha Fàmìlia uf d Walt kumma. Sina Ältra sìn d Mary Spangler un dr Abraham Landis Kaufman gsìì. Si Ürgrossvàter ìsch a mennonitischer Pfàrrer gsìì. Dr David Kaufman hàt bis 1833 klàssischa Literàtür àm College of New Jersey gstudiart. Nochhar hàt ar im Natchez (Mississippi) Racht unter-em Professor John A. Quitman gstudiart und ìsch do àls Rachtsànwàlt züaglàà worra. Ar hàt z’ärscht z Natchitoches (Louisiana) gschàfft un dernoh àb 1837 z Nacogdoches ìn dr Republik Texas. Do hàt ar ìm Texanischa Indiànerkriag àn Kàmpfa gega d Cherokee-Indiàner teilgnumma und ìsch ànna 1839 bi dr Schlàcht vu Netches verletzt worra.

Vu 1938 bis 1943 ìsch dr Spangler Mìtglìed vum Repräsantàntahüs vun dr Republik Texas fìrs Nacogdoches County gsìì. Dernoh hàt ar vum Dezamber 1843 bis ìm Juni 1845 da Kàntona Shelby, Sabine un Harrison ìm Senàt vertrata. Ìm Hornung 1845 ìsch ar àls Gschäftsträger (Chargé d'affaires) vun Texas in de USA ernannt worra. Nohdam àss Texas ànna 1845 a US-Bundesstààt worra ìsch, ìsch dr Spangler vum 30. März 1846 bis züa sim Tod àm 31. Janner 1851 Repräsantànt vun da Verainigta Stààta fìr dr 1. Wàhlbezirk vum Texas gsìì. Ìm 31. Kongress ìsch ar dr Vorsetzenda vum Vorschtànd fìr Vorschrìfta gsìì. Ar ìsch Mìtglìed vun dr Demokràtischa Partei gsìì.

Üsseram ìsch dr David Spangler Fräimürer un Mìtglìed vun The Philosophical Society of Texas gsìì.

Dr Spangler ìsch àm 31. Janner 1851 z Washington, D.C. àn Harzàfàll gstorwa.[1] Ar ìsch z’ärscht uf em Fridhof Congressional Cemetery z Washington, D.C. bestattet worra, àwer sina Laichnàhm ìsch ànne 1932 uf dr Texas State Cemetery in Austin versetzt worra.

'S Kaufman County im Bundesstààt Texas un sina Hàuiptstàdt Kaufman sinn noh ihm bnennt worra.

ReferanzaBearbeite

  1. Ben R. Guttery: Representing Texas: A Comprehensive History of U.S. and Confederate Senators and Representatives from Texas. BookSurge Publishing, 2008, ISBN 978-1-4196-7884-4, S. 93 (englisch).

Externa LinksBearbeite