Christopher C. Upson

amerikanischer Politiker
Dialäkt: Mìlhüüserisch

Dr Christopher Columbus Upson (* 17. Oktoower 1829 z’ Syracuse, New York; † 8. Hornung 1902 z’ San Antonio, Texàs) ìsch a àmerikànischer Politiker vu dr Demokrààtischa Pàrtäi gsìì. Vun 1879 bis 1883 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Dr Christopher Columbus Upson ànna 1910

sii Laawa un Kàrriar ändere

Dr Christopher Columbus Upson ìsch ànna 1829 z’ Syracuse ìm Bundesschtààt New York uff d’ Walt kumma. Ar ìsch dr Suhn gsìì vum Oren Upson (1792–1865) un vu dr Betsy Snow Upson geboorena Wilson (1792–1865). Ar ìsch ìn d’ äffentliga Schüala vu siinera Haimet so wia z’ Boston gànga, un schpeeter ìns Williams College z’ Williamstown ìm Massachusetts. Ar hàt drnooh Racht gschtudiart un ìsch ànna 1851 àls Rachtsànwàlt züagloo worra. Àls Ànwàlt hàt’r z’äärscht z’ Syracuse gschàfft. Ànna 1854 hàt’r sii Ànwàltsbüroo un sii Wohnsìtz uff Castroville ìm Texàs loo wàndla, un schpeeter ànna 1859 z’ San Antonio. Wahrem àmerikànischa Bìrgerkriag hàt’r fräiwìllig ìm Heer vu dr Konfederàzioon bediant, wu-n-’r Owerscht worra-n-ìsch. Ìn dr Zwìschazitt ìsch’r ànna 1862 ìm Gebiat vum hìttiga Schtààt Arizona àls konfederiarter Rìchter ärnännt worra. Noh-n-em Kriag hàt dr Upson siina politischa Kàrriar ààgfànga, àls Mìtglìed vu dr Demokrààtischa Pàrtäi. Àn dr Presidàntschàftswàhl vu 1876 ìsch’r demokrààtischer Wàhlmànn gsìì.

Noh-n-em Tood vum Àbgoordnet Gustav Schleicher ìsch ìm 6. Wàhlkrais vum Texàs a Nàchwàhl gsìì. Doo ìsch dr Upson àls sii Noohfolger gwählt worra. Ìm Represantàntahüüs z’ Washington, D.C. ìsch’r àb’m 15. Àwrìl 1879 gsìì. Ar ìsch ainmol wìedergwählt worra un ìsch àlso bis àm 3. März 1883 ìm Kongrass blìewa. Ànna 1882 hàt ìhn siina Pàrtäi nìt fìr a Wìederwàhl uffgschtällt. Noh-n-em And vu siim Àmtszitt ìm Represantàntahüüs hàt dr Upson witter àls Ànwàlt z’ San Antonio gschàfft. Ìn dara Schtàdt ìsch’r àm 8. Hornung 1902 gschtoorwa. Beardigt worra-n-ìsch’r uff’m Schtàdtfrìedhoof Nr. 1 vu San Antonio –dàs ìsch dr „konfederiarta Frìedhoof“.

Dr Christopher Upson ìsch sitter’m 27. Dezamber 1865 mìt dr Martha Vance (1846–1911) verhiirootet gsìì.

Lìteràtüür ändere

  • Upson, Christopher Columbus. In: The Handbook of Texas Online. Texas State Historical Association, 1952 (amerikanisches Englisch, tshaonline.org [abgerufen am 29. Mai 2022]).
  • Christopher Columbus Upson. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 152 (amerikanisches Englisch, google.fr [abgerufen am 29. Mai 2022]).
  • Upson, Christopher Columbus (1829-1902). In: The Political Graveyard. (englisch, politicalgraveyard.com [abgerufen am 29. Mai 2022]).

Weblìnks ändere