Dialäkt: Elsassisch (Ìwerelsàss)

Dr George Washington Smyth (* 16. Mai 1803 ìn North Carolina; † 21. Hornung 1866 z Austin, Texas) ìsch a Politiker vun Texas gsìì. Ar ìsch Mìtunterzaichner vu dr Unàbhangigkaitsärklärung vun Texas gsìì un später vu 1853 bis 1855 a US-Repräsantànt fìr dr Bundesstààt Texas gsìì.

Dr George Washington Smyth.

BiogràfiBearbeite

Dr George Washington Smyth ìsch àm 16. Mai 1803 ìn North Carolina uf d' Walt kumma. Ar ìsch ìn Alabama un z Murfreesboro ìn Tennessee ufgwàchsa. Noh-n-em Hochschüalàbschluss àn dr Princeton University ànna 1831 hàt ar uf d' mexikànischa Provinz Texas gwàndelt ufs hìttiga Jasper County. Do ìsch ar Làndwìrt un Investor gsìì.

Ìn sina erschta Joohra ìn Texas ìsch ar vun dr mexikànischa Regiarung u. a. àls Faldmasser ernannt worra. Ànna 1835 ìsch ar Biigeordneter bi dr Consultation vun Texas gsìì, wo d' provisorischa Regiarung vun Texas gbìldet hàt. Ànna 1836 ìsch ar a Mìtglìed vu dr Texas-Versàmmlung gsìì, wo d' Unàbhangigkaits vun Texas ärklärt hàt, un hàt d' Verfàssung vun dr Republik Texas unterzaichna. Ar ìsch Mìtglìed vu dr texanischa Regiarung àls Kommissär fìr d' texanisch-US-àmerikànischa Granza gsìì. Ànna 1844 isch ar Mìtglìed vum Repräsantàntahüs vu dr Republik Texas gsìì, un hàt do d' Ànnexion unterstìtzt. Drno hàt àn dr Uffsàtz vun dr néia Verfàssung vum Bundesstààt Texas teilgnumma.

Àb März 1848 ìsch ar viar Joohra làng Beuftftràgta vum General Land Office gsìì. Üsseram hàt ar àls démokràtischer Mìtglìed vum Electoral College àn dr Präsidäntsswàhl vu 1852 fìr dr Franklin Pierce gwählt. Vum 4. März 1853 bis àm 3. März 1855 ìsch ar Mìtglied vum Repräsantàntahüs vun da Verainigta Stààta fìr dr erschta Wàhlbezirk vun Texas ìm 33. Kongress gsìì. Ar hàt àwer àn dr Wàhl vu 1855 nìtt mìtgmàcht. Obwhol ar 28 Skàlva uf sim Làndwìrtschàftsbetriab ghàà hàt, ìsch ar während em Sezessionskriag gaga d' Sezession gsìì. Si Séhna hàn awer Soldàta fìr 's Konféderiarta Heer gsìì. Noh-n-em Kriag ìsch dr Smyth ànna 1866 Biigeordneter vum texanischa Verfàssungskongress z Austin gsìì.

Dr George Smyth ìsch während a Sìtzung vun da Kongress àm 21. Hornung 1866 gstorwa. Ar ìsch uf em Texas State Cemetery z Austin bestattet worra.

Dr George Smyth hàt mìt siner Fràui Frances M. Grigsby sewana Kìnder ghàà.

LiteràtürBearbeite

  • Joseph L. Price: Smyth, George Washington. In: William S. Powell (Hrsg.): Dictionary of North Carolina Biography. 1994 (englisch, ncpedia.org [abgerufen am 27. November 2020]).
  • Robert Wooster: Smyth, George Washington (1803–1866). In: Handbook of Texas. Texas State Historical Association (englisch, tshaonline.org [abgerufen am 27. November 2020]).

Externa LinksBearbeite