John W. Cranford

Dialäkt: Mìlhüüserisch

Dr John Walter Cranford (* 28. Jüüli 1859 bii Grove Hill, Clarke County, Alabama; † 3. März 1899 z’ Washington, D.C.) ìsch a àmerikànischer Jurischt un Politiker vu dr Demokràtischa Pàrtäi gsìì. Ar ìsch Mìtglìed vum Senàt vum Texas gsìì un hàt vu 1897 bis 1899 dr Bundesschtààt Texas ìm Represantàntahüss vu da Verainigta Schtààta vertratta.

A Porträ vum John W. Cranford, wo-n-’r ìn siinera aigana Laawesbschriiwunga vum Joohr 1899 looh veräffentliga hàt.

sii Laawa

Dr John Walter Cranford ìsch ànna 1859 ìm Clarke County-n-ìm Bundesschtààt Alabama-n-uff d’ Walt kumma, àls Suhn vum Dr. James H. Cranford un vu dr Caroline Cranford, geborena Bettis. Siina Fàmìlia hàt vu Schottlànd un Irlànd gschtàmmt. Dr John ìsch z’äärscht ìn d’ äffentliga Schüala vu siinera Haimet gànga. Noh-n-em And vum Sezessioonskriag ìm Joohr 1865 ìsch’r mìt siina Ältra uffs Hopkins County ìm Nordoschta vum Texas gwàndelt. Doo ìsch’r eewafàlls ìn d’ äffentliga Schüala gànga, un hàt drzüa Prìwààtunterrìchta ghàà. Wu-n-’r noch a Büa gsìì-n-ìsch, ìsch siina Müatter ànna 1865 gschtoorwa, àlso ìsch’r bii sim Vàtter uffgwàcksa. Wänn’r driizehn Joohra àlt gsìì-n-ìsch, ìsch àwwer àui dr Vàtter gschtoorwa. Fìr siina Schtudia zàhla hàt dr John Cranford ìn verschìedena Betriiwer müassa schàffa. Ar hàt Racht z’ Fort Worth un Sulphur Springs gschtudiart un ìsch ànna 1880 àls Rachtsànwàlt züaglooh worra. Ar hàt a Ànwàltsbüroo z’ Sulphur Springs grìnda, wu-n-’r àui gwoohnt hàt. Schpeeter hàt’r ìn da Büroo Cranford un Garrison so wia Cranford, Garrison, un Keasler gschàfft.

Ìm Nowamber 1888 ìsch dr Cranford ìns Senàt vum Texas gwählt worra, fìr dr fìmfta Wàhlkrais (Gràfschàfta Hunt, Hopkins, Delta, Franklin County un Camp). Ànna 1892 ìsch’r nochamol gwählt worra. Ìm Senàt ìsch’r bis 1896 blìewa, un hàt doo mehr àss zehn Gsätzäntwìrfa iigfiahrt. Drzüa ìsch’r Vorsìtzender gsìì vum Üssschuss fìr d’ Schtààtsààglagahaita un d’ àbfärtigta Gsätzäntwìrfa, so wia Vorsìtzender pro tempore vum Senàt vu 1890 bis 1891.

Ànna 1886 hàt ma dr Cranford àls Represantànt vum Texas ìm 55. àmerikànischa Kongrass gwählt. Bii dara Wàhl hàt dr Cranford unteràndrem dr popülistischa Kàndidàt James H. Davis gschlààga. Ìm Repräsantàntahüss ìsch’r offiziäll vum 4. März 1897 bis àm 3. März 1899 blìewa, àwwer hàt gsundhaitshàlwer ab’m 17. Janner 1899 doo nìt känna sìtza. Àm 3. März 1899, wu sii-n-Àmtszitt färtig gsìì-n-ìsch, ìsch dr Cranford ìm Providence-Krànkahüss vu Washington, D.C. gschtoorwa. Beardigt worra-n-ìsch’r ìm Schtàdtfrìedhoof vu Sulphur Springs.

Dr Cranford ìsch àb 1880 mìt dr Medora Ennis vu Sulphur Springs verhiirotet gsìì, wo-n-ànna 1898 gschtoorwa-n-ìsch. Mìt ìhr hàt’r viar Kìnder ghàà. Dr ältschta Suhn ìsch eewafàlls Jurischt worra.

Lìteràtüür

• Bob Gilbert, Michelle Gilbert: Cranford, John Walter. In: Handbook of Texas Online. Texas State Historical Association, 19. September 2019 (englisch, tshaonline.org [abgerufen am 19. September 2021]). 
• Lewis E. Daniell: John Walter Cranford. In: Personnel of the Texas State Government. Smith, Hicks & Jones, Austin (Texas) 1889, S. 185–187 (englisch, google.com [abgerufen am 19. September 2021]). 
• Patsy McDonald Spaw (Hrsg.): The Texas Senate. II, Civil War to the Eve of Reform, 1861-1889. Texas A & M University Press, College Station (Texas) 1999, ISBN 978-0-89096-857-4, S. 389 (englisch, google.com [abgerufen am 19. September 2021]). 
• John Walter Cranford. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 48 (englisch, google.com [abgerufen am 19. September 2021]). 

Weblinks

• John W. Cranford im Biographical Directory of the United States Congress
• Dr John W. Cranford ìn dr Reference Legislative Library of Texas (anglisch)