Robert Lee Henry

Dr Robert Lee Henry (* 12. Mai 1864 z’ Linden, Cass County, Texàs; † 9. Jüüli 1931 z’ Houston, Texàs) ìsch a US-àmerikànischer Jurischt un Politiker gsìì. Vu 1897 un 1917 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Dr Robert Lee Henry

Dialäkt: Mìlhüüserdiitsch

sii Laawa un Kàrriar

Dr Robert Lee Henry-n-ìsch ànna 1864 z’ Linden ìm Nordoschta vum Bundesschtààt Texàs uff d’ Walt kumma. Ar ìsch dr Suhn gsìì vum Francis Marion un vu dr Mary E. Henry geboorena Taylor. Ar ìsch àlso a diräkter Noohkumma vum Patrick Henry (1736–1799), wo wahrend dr àmerikànischa Revolüzioon a wìchtiga Rolla gschpìelt hàt. Ar ìsch ìn d’ äffentliga Schüala vu siinera Haimet gànga un hàt ànna 1878 ìns Bowie County gwàndelt. Ànna 1895 hàt’r sìch ìm McLennan County nììdergloo. Bis 1885 hàt dr Henry àn dr Südwäscht-Üniwärsitäät z’ Georgetown gschtudiart. Ar hàt drnooh Racht gschtudiart un ìsch ànna 1886 àls Rachtsànwàlt züagloo worra. Àls Ànwàlt hàt’r z’äärscht fìr a kurza Zitt z’ Texarkana gschàfft. Ìn dr Zwìschazitt hàt’r noch bis 1887 àn dr Üniwärsitäät vum Texàs z’ Austin gschtudiart. Gliichzittlig hàt’r siina politischa Kàrriar ààgfànga, àls Mìtglìed ìn dr Demokrààtischa Pàrtäi.

Ìn da Joohra 1890 un 1891 ìsch dr Henry Bìrgermaischter vu Texarkana gsìì. Vu 1891 bis 1893 hàt’r fìr dr Generààlschtààtsànwàlt vum Texàs gschàfft. Vu 1893 bis 1896 ìsch’r schtällvertrattender Generààlschtààtsànwàlt vu siim Schtààt gsìì. Drnooh hàt’r witter z’ Waco àls prìwààter Rachtsànwàlt gschàfft. Àn da Kongrasswàhla vu 1896 ìsch dr Henry-n-ìm sìebta Wàhlbezirk vum Texàs ìns US-Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 4. März 1897 àls Noohfolger vum George C. Pendleton gsassa. Ar ìsch niinmol wìedegwählt worra un ìsch àlso bis àm 3. März 1917 ìm Kongrass blìewa. Sitter 1903 hàt’r dr älfschta Dischtrikt vu siim Schtààt vertratta, àls Noohfolger vum Rudolph Kleberg. Vu 1911 bis 1917 ìsch dr Henry Vorsìtzender vum Üüssschuss fìr Reegla gsìì. Ìn siinera Zitt àls Kongrassàbgoordnet’r ìsch dr Schpànisch-Àmerikànischa Kriag vun 1898 gsìì. Ànna 1913 hann d’ Kongrassmìtglìeder dr 16. un 17. Verfàssungszüasatzer ràtifiziart.

Ànna 1916 hàt sìch dr Henry àn dr Kongrasswàhl nìt uffgschtällt. Schtàttdässa hàt’r vu siinera Pàrtäi fìr d’ Senàtwàhla wälla nominiart wara, àwwer ’s ìsch nìt asoo gsìì. Drnooh hàt’r witter z’ Waco àls Ànwàlt gschàfft. Ànna 1922 un 1928 hàt’r sìch nochamol jewiils ärfolgloos fìr d’ demokrààtischa Nominiarung fìr d’ Senààtwàhla-n-uffgschtällt. Ànna 1923 hàt’r sii Woohnsìtz un sii Ànwàltsbüroo-n-uff Houston loo wàndla. Gschtoorwa-n-ìsch’r d’haim z’ Houston àm 9. Jüüli 1931 dur a Schusswunda, wo-n-’r sìch salbscht biigebrocht ghàà hàt. Noh’ma Àrtìckel vu dr New York Times hàt’r sìch s’ Laawa wälla namma, wial’r finànziälla Schwiarigkaita un a schlachter Gsundhaitszüaschtànd ghàà hàt. Beardigt worra-n-ìsch’r uff’m Rose Hill-Frìedhoof z’ Texarkana.

Dr Robert Lee Henry-n-ìsch mìt dr Lourine Tyler verhiirootet gsìì. Mìt ìhra hàt’r zwai Seehn un a Tochter ghàà.

Lìteràtüür

• Herman L. Crow: Henry, Robert Lee. In: The Handbook of Texas. Texas State Historical Association, 1952 (amerikanisches Englisch, tshaonline.org [abgerufen am 30. Juli 2022]). 
• Robert Lee Henry. In: Ben R. Guttery (Hrsg.): Representing Texas. Ben Guttery, 2007, ISBN 978-1-4196-7884-4, S. 80 (amerikanisches Englisch, google.fr [abgerufen am 30. Juli 2022]). 

Weblìnks

 Commons: Robert Lee Henry – Sammlig vo Multimediadateie

• Robert Lee Henry im Biographical Directory of the United States Congress
• Robert Lee Henry in dr Datebank vu Find a Grave