Alemannische Wikipedia

Louie Gohmert

Dr Louis „Louie“ Buller Gohmert Jr. (* 18. Àuigscht 1953 z’ Pittsburg, Texàs) ìsch a àmerikànischer Rìchter un Politiker vu dr Repüblikàànischa Pàrtäi. Sitter 2005 vertrìtt’r dr Bundesschtààt Texàs ìm Represantàntahüüs vu da Verainigta Schtààta.

Dr Louie Gohmert ànna 2013
Dialäkt: Mìlhüüserisch

sii Laawa un Làuifbàhn ändere

Uff d’ Walt kumma-n-ìsch dr Louis Gohmert z’ Pittsburg ìm Nordoschta vum Texàs, àls Suhn vum diitsch-texànischa-n-Àrkitäckt Louis Buller Gohmert un vu dr Mary Sue geborena Brooks. Uffgwàcksa-n-ìsch’r ìn dr texànischa Schtàdt Mount Pleasant, wu-n-’r bis 1971 ìns äffentliga Gymnàsium gànga-n-ìsch. Schpeeter hàt’r bis 1975 Gschìcht àn dr Texàs-A&M-Üniwärsitäät gschtudiart. Drnooh hàt’r Racht àn dr Baylor-Üniwärsitäät z’ Waco gschtudiart un ìsch ànna 1982 àls Rachtsànwàlt züagloo worra. Ar hàt àlso z’äärscht àls Ànwàlt gschàfft. Vu 1978 bis 1982 ìsch’r Soldàt ìm àmerikànischa Heer ìm Bundesschtààt Georgia gsìì. Ànna 1992 hàt maa-n-ìhn àls Rìchter ìm Smith County gwählt; àn dara Schtälla-n-ìsch’r bis 2002 blìewa. Drnooh ìsch’r bis 2003 Rìchter ìm Beriafungsgrìcht vum zwälfta Grìchtsbezirk vum Texas gsìì.

 
Dr Gohmert àn dr Conservative Political Action Conference z’ National Harbor, ànna 2013
 
Dr Louie Gohmert, wu-n-’r vor àmerikànischa Soldàta-n-ìm Àfghànischtàn grädd hàt, ànna 2012.

Àn dr Kongrasswàhl vu 2004 ìsch dr Gohmert ìm äärschta Wàhlbezirk vum Texas ìns àmerikànischa Represantàntahüüs gwählt worra. Ìm Hüüs ìsch’r àb’m 3. Janner 2005 gsìì, àls Noohfolger vum Demokrààta Max Sandlin. Ìm Kongrass ìsch’r Mìtglìed ìm Juschtizüüssschuss un ìm Üüssschuss fìr Boodaschatz gsìì, so wia-n-ìn dräi Unterüüssschìss. Ìnnerhàlb vu dr repüblikàànischa Fràkzioon ìsch’r Mìtglìed ìm rachtspopülischta „Tea Party Caucus“ gsìì, so wia-n-ìm rachtskonsärwàtiiwa Freedom Caucus. Ìm Janner 2015 hàt’r sìch fìrs Àmt vum Schpraacher vum Represantàntahüüs uffgschtällt, àwwer ìsch ärfolgloos gsìì.

siina Mainunga ändere

Dr Gohmert glàuibt nìt, àss dr Klìmawàndel vum Mänsch verursàcht worra-n-ìsch. Ar unterschtìtzt wittera Bohrunga fìr d’ Ärforschung vun Ardeel un -gààs ìm Alaska.[1] Ar hàt dr Üüsstrìtt vu da Verainigta Schtààta vum Pàriiser Àbkumma fìr Klimaschutz unterschtìtzt.[2]

Bii-n-’ra pàrlàmäntàrischa-n-Ààheerung vun’ra Mitàrwaitera vu da àmerikànischa Forschtbeheerda hàt dr Gohmert wälla wìssa, wàs d’ Beheerda hann känna màcha, fìr d’ Umlàuifbààhna vum Mond un vu dr Ard verändra, fìrs Klima schìtza.[3][4]

Dr Gohmert ìsch geega d’ LGBT-Rachta. Ar wìll nìt, àss d’ homosäxüälla Litt ìm àmerikànischa Heer bediana; ar hàt àlso zem Biischpìel geega s’ Don’t Ask, Don’t Tell Repeal Act vu 2010 gschtìmmt.[5] Ànna 2015 hàt’r a Äntwurf fìr a Verfàssungszüasàtz unterschtìtzt, fìr d’ homosäxüälla-n-Eha ìm Àmerikà verbiata.[6] Ìm gliicha Joohr hàt’r a Gsätzäntwurf unterschrìewa, fìr geega s’ Urtail Obergefell v. Hodges vum Oowergrìchtshoof protäschtiara[7] —dàs Urtail hàt d’ Verbiatung vu dr Homo-Eha àls verfàssungswìdrig ärkläärt ghàà. Ànna 2019 hàt’r sìch schtàrk geega s’ Gliichschtällungsgsätz gschtällt, wo d’ LGBT-Litt geega Dischkiminiarung gschìtzt hàt.[8] Ànna 2014 hàt’r d’ Schwüüla-n-Àktìwìschta mìt Nàzionàlsoziàlischta verglìecha ghàà.[9]

Dr Gohmert ìsch àui geega dr Racht um Schwàngerschàftssàbbruch un hàt dr Gsätzäntwurf „Hailigkait vum mänschliga Laawa“ (Sanctity of Human Life Act) unterschtìtzt, wu s’ Ziel gsìì-n-ìsch, d’ fräiwìlliga Schwàngerschàftsàbbruch schlicht un aifàch z’ verbiata.

Ànna 2012 hàt’r ìn’ra Reeda-n-ìm Represantàntahüüs d’ Presidàntschàft vum Barack Obama mìt dr Diktàtüür vum Adolf Hitler verglìecha.[10][11]

Noh-n-em Àmoklàuif ìn’ra Primààrschüal ìm Connecticut ànna 2012 hàt dr Gohmert gsajt, àss d’ Lehrer dr Märder hann känna teeta, wänn sa Wàffa ghàà hann. Noh-n-em Àmoklàuif z’ Aurora ànna 2014 hàt’r dia Mainung wìederholt.[12][13]

Wahrend dr COVID-19-Waltversöichung ànna 2020 hàt dr Gohmert d’ Behàndlung mìt Hydroxychloroquin bfìrwortet, obwohl kää wìsseschàftliger Bewiis drfìr gsìì-n-ìsch.[14][15] Ar hàt àui behàuiptet, àss Diitschlànd a Schprìtzdoosa-n-ärfunda hàt, wo dr Koronavirüs gteetet hatt —dàs ìsch fàlsch gsìì un ar ìsch drfìr haftig kritisiart worra.[16][17][18]

Ìm Jüüni 2021 hàt dr Gohmert zamma mìt 48 àndra repüblikàànischa-n-Àbgoordneta fìr d’ Redüziarung vum US-Militääriisàtz ìm Iràk gschtìmmt.[19][20]

sii Prìwààtlaawa ändere

Mìt siinera Ehafràui Kathy hàt dr Louis Gohmert dräi Teechter. Ar woohnt z’ Tyler ìm Nordoschta vum Texàs.

Dr Gohmert ìsch a „Süüdliger Taifer“;[21] ar ìsch Mìtglìed ìn dr Kìrìch vu Green Acres, wu-n-’r Diàkon un Lehrer ìn dr Sunntigsschüal ìsch.

Weblìnks ändere

  Commons: Louie Gohmert – Sammlig vo Multimediadateie

Ainzelnoohwiisa ändere

  1. ↑ Rep. Louie Gohmert: 'There is a Brazen Invasion Occurring at Our Border'. In: CNS News. 22. März 2019, abgruefen am 18. Mai 2022 (amerikanischs Änglisch).
  2. ↑ Louis Gomert: Gohmert on Trump's Decision to Withdraw From Paris Climate Accord. 1. Juni 2017, abgruefen am 29. August 2017 (amerikanischs Änglisch).
  3. ↑ Republican bizarrely asks if 'BLM or the forest service' can change the orbit of the moon. In: Indy100. 9. Juni 2021, abgruefen am 18. Mai 2022 (änglisch).
  4. ↑ Philip Bump: Rep. Gohmert’s question about the Forest Service changing Earth’s orbit was dumb, but not for the reason you think. In: The Washington Times. 9. Juni 2021, abgruefen am 18. Mai 2022 (amerikanischs Änglisch).
  5. ↑ Final Vote Results for Roll Call 317. Sekretäär vum Represantàntahüüs vu da Verainigta Schtààta, abgruefen am 18. Mai 2022 (amerikanischs Änglisch).
  6. ↑ Tim Huelskamp: Cosponsors - H.J.Res.32 - 114th Congress (2015-2016): Marriage Protection Amendment. Kongrass vu da Verainigta Schtààta, 12. Februar 2015, abgruefen am 11. April 2022 (amerikanischs Änglisch).
  7. ↑ Steve King: Cosponsors - H.Res.359 - 114th Congress (2015-2016): Providing that the House of Representatives disagrees with the majority opinion in Obergefell et al. v. Hodges, and for other purposes. Kongrass vu da Verainigta Schtààta, 29. Juli 2015, abgruefen am 12. April 2022 (amerikanischs Änglisch).
  8. ↑ House Debate on the Equality Act. C-SPAN, 17. Mai 2019, abgruefen am 18. Mai 2022 (amerikanischs Änglisch).
  9. ↑ Natasha Bach: Introducing Louie Gohmert’s Head-Turning Theory On Gay Marriage, Nazis And Jews. In: The Huffington Post. 9. Mai 2014, abgruefen am 18. Mai 2022 (änglisch).
  10. ↑ Jay Root: Courting Controversy Works for Gohmert. In: The Texas Tribune. 26. August 2012, abgruefen am 2. Juli 2021 (amerikanischs Änglisch).
  11. ↑ Olivier Knox: The Daily 202: Nineteen Republicans didn’t even vote on forming a Jan. 6 committee. In: The Washington Post. 1. Juli 2021, abgruefen am 2. Juli 2021 (amerikanischs Änglisch).
  12. ↑ Chris Good: Rep. Gohmert: Did No One Else in Aurora Theater Have a Gun? ABC News, 21. Juli 2012, abgruefen am 18. Mai 2022 (amerikanischs Änglisch).
  13. ↑ Turning Texas Blue. What It Will Take to Break the GOP Grip on America’s Reddest State. St. Martin’s Press, New York 2016, S. 129 f. (amerikanisches Englisch, google.de [abgerufen am 18. Mai 2022]).
  14. ↑ Tim Elfrink: Rep. Louie Gohmert, GOP mask skeptic who tested positive for virus, says he'll take hydroxychloroquine. In: The Washington Post. 30. Juli 2020, abgruefen am 2. Januar 2021 (amerikanischs Änglisch).
  15. ↑ Justin Baragona: Gohmert Brags to Hannity That He's 'All In' on Taking Hydroxychloroquine for COVID. In: The Daily Beast. 29. Juli 2020, abgruefen am 2. Januar 2021 (amerikanischs Änglisch).
  16. ↑ James Crump: Coronavirus: US congressman claims there's a 'powder' curing Germans of Covid-19. In: The Independent. 20. April 2020, abgruefen am 18. Mai 2022 (britischs Änglisch).
  17. ↑ Paul Cobler: East Texas Rep. Louie Gohmert slammed by opponent after urging use of nonexistent powder for COVID-19. In: Dallas News. 10. April 2020, abgruefen am 18. Mai 2022 (amerikanischs Änglisch).
  18. ↑ Jess Huff: Louie Gohmert discusses claims of disinfectant powder amid national backlash. In: Lufkin Daily News. 17. April 2020, abgruefen am 2. Januar 2021 (amerikanischs Änglisch).
  19. ↑ House votes to repeal 2002 Iraq War authorization. NBC News, abgruefen am 18. Mai 2022 (amerikanischs Änglisch).
  20. ↑ Final Vote Results for Roll Call 172. Sekretäär vum Represantàntahüüs vu da Verainigta Schtààta, abgruefen am 18. Mai 2022 (amerikanischs Änglisch).
  21. ↑ Ten Southern Baptists sworn in as new reps. In: Baptist Press. 5. Januar 2011, archiviert vom Original am 26. Dezember 2014; abgruefen am 18. Mai 2022 (amerikanischs Änglisch).






  Dä Artikel basiert uff ere fräie Übersetzig vu dere Version vum Artikel „Louie_Gohmert“ vu de dütsche Wikipedia. E Liste vu de Autore un Versione isch do z finde.
  Dä Artikel basiert uff ere fräie Übersetzig vu dere Version vum Artikel „Louie_Gohmert“ vu de änglische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Louie_Gohmert&oldid=1049207"