Lemuel D. Evans

Dialäkt: Owerelsassisch

Dr Lemuel Dale Evans (* 8. Janner 1810 ìm Tennessee; † 1. Juli 1877 z’ Washington, D.C.) ìsch a àmerikànischer Jurischt un Politiker vum Texas gsìì. Ar ìsch vu 1855 bis 1857 US-Represàntant gsìì fìr dr Bundesstààt Texas, un Owerrìchter àm Ìwerschta Gerìchtshof vum Texas vu 1870 bis 1873.

Porträt vum Lemual D. Evans ìn'ma Büach vu 1899.

si LaawaBearbeite

Dr Evans ìsch ànna 1810 ìm Bundesstààt Tennessee uf d’ Walt kumma. Ar hàt wohrschinsig ìn sim Haimetsstààt Racht gstudiart un ìsch ànna 1840 àls Rachtsànwàlt züagloo worra. Ànna 1843 hàt’r ìns Fannin County ìns Texas gwàndelt, un hàt doo àls Ànwàlt gschàfft. Ìn dr Texas-Versàmmlung vu 1845 ìsch’r Vetratter vum Fannin County gsìì; doo hàt’r fìr d' Ànnexion vum Texas àn d’ Verainigta Stààta gestìmmt. Doo hàt’r àui a näi Gerìchtssystäm befìrwortet, àwer dafìr hàt ma ìhn wenig unterstìtzt. Ìm Krieg gega s’ Mexiko ìsch dr Evans dr Kumadànt gsìì vu da 3rd Texas Mounted Volunteers.

Dernoh hàt dr Evans uf Marshall ìns Harrison County gwàndelt, wo-n-’r wahrend mehrera Johra àls Ànwàlt un Rìchter gschàfft hàt. Àn dr Präsidentswàhl vu 1852 hàt’r àls demokràtischer Mìtglìed vum Electoral College fìr dr Franklin Pierce gwählt. Üsserdam hàt’r ànna 1853 àls demokràtischer Kàndidàt àn dr Wàhl fìr dr Gouverneur mìtgmàcht; sina Wàhlkàmpània hàt’r numma um d’ Ìntrassa vum Oschttexas gmàcht, un ar ìsch àm viarta Plàtz ààkumma.

Vum 4. März 1855 bis àm 3. März 1857 ìsch dr Evans ìm 34. àmerikànischa Kongress dr Represantànt gsìì fìr dr ärschta Wàhlbezirk vum Texas, fìr d’ Àmerikànischa Pàrtäi. Zwai vu sina Reeda vor em Kongress sìn schrìftlìch veräffentligt worra.[1][2] Dr Evans hàt sìch àn dr Wàhl fìr dr 35. Kongress ufgschtällt, àwer ìsch vum John Henninger Reagan gschlààga worra. Dr Reagan hàt d’ Salbschtverwàltung vu da Bundesstààta unterstìtzt. Ìm Gegatail ìsch dr Evans a ìwerzigter Unionischt gsìì. Noh sinera Àmtszitt ìm Kongress hàt’r d’ Unionischta vum Oscht-Texas gfiahrt. Ànna 1860 isch’r a Vetratter vum Texas gsìì bi dr Versàmmlung vu dr Constitutional Union Party z’ Baltimore. Àn dr Kongresswàhl vu 1860 hàt’r dr Kàndidàt John Bell vu dr Constitutional Union Party àktiv unterstìtzt ìn dr Gejend vu Dallas.

Wahrem Sezessionskriag hàt dr Evans s’ Texas fàraloh. Ar ìsch vum US-Sekretär State William Seward àls Geheimagent ernannt worra, fìr d’ Wàffa- un Wàraversorgung vum Mexiko ìns Texas z’ schpioniara. Üss Sìcherheitsgründa hàt’r àwer ìm März 1862 müassa z’rucktratta. Bis zum Kriagsand ìsch’r wohrschinsig z’ Washington, D.C. gblìewa, vor äbb’r ìm Hornung 1866 ufs Marshall County z’ruckkumma ìsch.

Dr Evans ìsch Mitglied gsìì vu dr Verfàssungsversàmmlung vu 1868/1869. Doo hàt’r moderiarta Stàndpunkta vertratta. Zamma mìt em ehamààliga Gouveneur Andrew Jackson Hamilton hàt’r doo d’ Abschàffung vum „Aiserna Aid“ (Ironclad Oath) befìrwortet.[3]

Dr Evans ìsch ànna 1868 Mìtglìed gsìì vu dr Versàmmlung fìr dr Wìderuffbàui. Vu 1870 bis ìm Septamber 1873 ìsch’r Owerrìchter gsìì àm Ìwerschta Gerìchtshof vum Texas. Ànna 1872 ìsch’r àui republikànischer Kàndidàt gsìì àn dr Wàhl fìr dr Gouverneur, àwer ärfolgloos. Ànna 1875 ìsch’r US-Màrschàll gsìì z’ Galveston fìr dr äschtlischa Gerìchtsbezirk vum Texas.

Dr Lemuel Evans ìsch àm 1. Juli 1877 z’ Washington, D.C. gstorwa und ìsch uf em Congressional Cemetery beardigt worra.

LiteràtürBearbeite

  • Brian Hart: Evans, Lemuel Dale (1810–1877). In: Handbook of Texas Online. Texas State Historical Association (englisch, tshaonline.org [abgerufen am 28. November 2020]).
  • Lemuel Dale Evans (1810-1877). In: Justices of Texas 1836-1986. Jamail Center for Legal Research, Tarltown Law Library, Universität vun Texas z' Austin (englisch, utexas.edu [abgerufen am 18. November 2020]).
  • James Daniel Lynch: Lemuel Dale Evans. In: The Bench and Bar of Texas. Nixon-Jones Printing Company, 1885, S. 110–113 (englisch, google.de [abgerufen am 28. November 2020]).

ReferanzaBearbeite

  1. Lemuel Dale Evans: Speech Of Hon. L. D. Evans: On The Condition Of Texas, And The Formation Of New States. Delivered In The Constitutional Convention Of Texas, On The 6th Of January, 1869. Creative Media Partners, LLC, 2019, ISBN 1-01-131134-8 (englisch, google.de [abgerufen am 28. November 2020]).
  2. Lemuel Dale Evans: Speech of Hon. Lemuel D. Evans, of Texas, on the Foreign Policy of the United States: Delivered in the House of Representatives of the United States on the 24th of July, 1856. American Organ Print, 1856 (englisch, 32 S., google.de [abgerufen am 28. November 2020]).
  3. James L. Haley: The Texas Supreme Court: A Narrative History, 1836–1986. University of Texas Press, 2013, ISBN 0-292-74883-3, S. 82 (englisch, google.fr [abgerufen am 28. November 2020]).

Externa LinksBearbeite