Robert B. Hawley

Dr Robert Bradley Hawley (* 25. Oktoower 1849 z’ Memphis, Tennessee; † 28. Nowamber 1921 z’ Nöi York) ìsch a US-àmerikànischer Politiker gsìì. Zwìscha 1897 un 1901 hàt’r dr Bundesschtààt Texàs ìm Represantàntahüüs vu da Veraingta Schtààta vertratta.

Dr Robert B. Hawley

Dialäkt: Mìlhüüserdiitsch

sii Laawa un Kàrriar

Dr Robert Bradley Hawley ìsch ànna 1849 z’ Memphis ìm Bundesschtààt Tennessee uff d’ Walt kumma. Ar ìsch d’ äffentliga Schüala vu siinera Haimet gànga, drunter ìns Christian Brothers’ College. Ànna 1875 hàt’r uff Galveston ìns Texàs gwàndelt, wu-n-’r 20 Joohra làng ìm Hàndel un ìm Hàndwark gschàfft hàt. Vu 1889 bis 1893 ìsch’r Vorsìtzender vum Bìldungsüssschuss vu Galveston gsìì. Politisch ìsch’r Mìtglììd vu dr Repüblikàànischa Pàrtäi gsìì. Ànna 1890 ìsch’r zittawiis Vorsìtzender vum regionààla repüblikàànischa Pàrtäitààg ìm Texàs gsìì. Üsserdam hàt’r àls Delegiart’r àn mehrera Repüblikàànischa Nàzionààla Versàmmlunga mìtgmàcht.

Bii da Kongrasswàhla vu 1896 ìsch dr Hawley ìm 10. Wàhlbezirk vum Texàs ìns US-Represantàntahüüs gwählt worra. Ìm Hüüs z’ Washington, D.C. ìsch’r àb’m 4. März 1897 gsìì, àls Noohfolger vum Miles Crowley. Ar ìsch amol wììdergwählt worra un ìsch àlso bis àm 3. März 1901 ìm Kongrass blììwa. Ìn dara Zitt ìsch dr Schpànisch-Àmerikànischa Kriag gsìì. Ànna 1900 hàt sìch dr Hawley fìr a Wììderwàhl nìt uffgschtällt. Noh-n-em And vu siinera Zitt ìm US-Represantàntahüss hàt dr Hawley s’ Unternamma Cuban-American Sugar Co. grìnda un ìsch Presidant vun em worra.

Dr Robert Hawley ìsch àm 28. Nowamber 1921 z’ Nöi York gschtoorwa un ìsch uff’m Lakeview-Frììdhoof z’ Galveston beardigt worra.

Lìteràtüür

• Anne W. Hooker: Hawley, Robert Bradley (1849–1921). In: The Handbook of Texas Online. Texas State Historical Association, 1952 (amerikanisches Englisch, tshaonline.org [abgerufen am 29. Mai 2023]). 

Weblìnks

• Robert B. Hawley im Biographical Directory of the United States Congress
• Robert B. Hawley in dr Datebank vu Find a Grave

Dä Artikel basiert uff ere fräie Übersetzig vu dere Version vum Artikel „Robert_B._Hawley“ vu de hochdütsche Wikipedia. E Liste vu de Autore un Versione isch do z finde.