Silas Hare

Dr Silas Hare (* 13. Nowamber 1827 ìm Ross County, Ohio; † 26. Nowamber 1908 z’ Washington, D.C.) ìsch a US-àmerikànischer Jurischt, Forscher un Politiker gsìì. Zwìscha 1887 un 1891 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Dr Silas Hare

Dialäkt: Mìlhüüserdiitsch

sii Laawa un Kàrriar

Dr Silas Hare ìsch ànna 1827 ìm Ross County ìm Süüda vum Bundesschtààt Ohio uff d’ Walt kumma. Ar ìsch dr Suhn gsìì vum Jacob Hare un vu dr Elizabeth Hare geboorana Freshour. Ar ìsch biim Groossvàtter Daniel Hare uffgwàcksa. Sii Vàtter ìsch ànna 1835 gschtoorwa. Ànna 1840 ìsch dr Hare zamma mìt siina Fàmìlia ìns Hamilton County ìm Indiana kumma. Doo ìsch’r ìn äffentliga un prìwààta Schüala gànga. Wahrem Mexikànisch-Àmerikànischa Kriag ìsch’r Soldàt ìn’ra Fräiwìlliga-n-ainhait üss Indiana gsìì. Àn dr Schlàcht vu Buena Vista-n-ìsch’r verlätzt worra. Noh-n-em Kriag hàt’r Racht gschtudiart un ìsch ànna 1850 àls Rachtsànwàlt züagloo worra. Àls Ànwàlt hàt’r z’äärscht z’ Noblesville ìm Hamilton County gschàfft. Ànna 1852 hàt’r ìn Mexiko, Zäntrààlàmerikà un d’ Süüdliga Sandwichìnsla graist, un àui ìn Oregon un Kàlifornia. Ànna 1853 hàt’r uff Belton ìm Texàs gwàndelt, wu-n-’r eewafàlls àls Ànwàlt taatig gsìì-n-ìsch. Ànna 1858 hàt’r àn’ra Forschungsrais ìn dr Texas Panhandle un ìn d’ Regioon Llano Estacado ìm Norda vum Texàs mìtgmàcht. Uff dr Rais sìnn d’ Laawesbedignunga sehr schwar gsìì — dr Hare salsbcht ìsch fàscht üss Durscht gschtoorwa. Ar hàt doo jedoch d’ „Hundert Kwalla“ (Hundred Springs) ìn da Sand Hills äntdäckt. Dia Äntdäckung ìsch jedoch ìm Kàpitään John Pope züagschrììwa worra — dr Hare hàt ìhm dr Waag gezaigt ghàà.

Ànna 1862 ìsch dr Hare ìm Gebiat vum schpeetera Schtààt New Mexico Rìchter worra unt’r dr Regiarung vu da Konfederiarta Schtààta. D’rnooh hàt’r àm Sezessioonskriag mìtgmàcht; ar ìsch Hàuiptmànn ìm Heer vu dr Konfederàzioon gsìì. Noh-n-em Kriag hàt dr Hare wììder àls Rachtsànwàlt gschàfft. Zwìscha 1873 un 1876 ìsch’r Kriminààlrìchter gsìì. Gliichzittig hàt’r siina politischa Kàrriar ààgfànga, àls Mìtglììd vu dr Demokrààtischa Pàrtäi. Ànna 1884 ìsch’r Delegiart’r gsìì àm nàzionààla demokrààtischa Pàrtäitààg z’ Chicago — doo ìsch dr Grover Cleveland zem äärschta mol àls Kàndidààt fìr d’ Presidantschàft nominiart worra. Bii da Kongrasswàhla vum Joohr 1886 ìsch dr Hare ìm fìmfta Wàhlbezirk vum Texàs ìns Represantàntahüüs vu da Verainigta Schtààta gwählt worra. Ìm Hüüs z’ Washington, D.C. ìsch’r àb’m 4. März 1887 gsassa, àls Noohofolger vum James W. Throckmorton. Ar ìsch amol wììdergwählt worra un ìsch àlso bis àm 3. März 1891 ìm Kongrass blììwa. Ànna 1890 hàt’na siina Pàrtäi nìt fìr a Wììderwàhl nominiart.

Noh-n-em And vu siinera Zitt ìm US-Represantàntahüüs hàt dr Silas Hare wììder àls Ànwàlt gschàfft, dàsmol ìn dr Bundeshàuiptschtàdt Washington. Doo ìsch’r àm 26. Nowamber 1908 gschtoorwa. Ar ìsch uff’m West Hill-Frììdhoof z’ Sherman ìm Texàs beardigt worra.

Dr Silas Hare hàt àm 20. Àwrìl 1849 d’ Octavia Elizabeth Rector üss Circleville (Ohio) ghiiroota ghàà. Zamma hann sa sììwa Kìnder ghàà, drunter dr Luther Rector Hare un dr Silas Hare, Jr. Ànna 1903 hàt’r d’ Mary Louis Canniff üss Baltimore ghiiroota.

Lìteràtüür

• Elizabeth Blair Douglas: Hare, Silas. In: Handbook of Texas. Texas State Historical Association (amerikanisches Englisch, tshaonline.org [abgerufen am 15. Februar 2023]). 
• Silas Hare. In: Representing Texas. CreateSpace Independent Publishing Platform, 2007, ISBN 1-4196-7884-1, S. 78 (amerikanisches Englisch, google.de [abgerufen am 16. Februar 2023]). 

Weblìnks

 Commons: Silas Hare – Sammlig vo Multimediadateie

• Silas Hare im Biographical Directory of the United States Congress
• Silas Hare in dr Datebank vu Find a Grave