Lucian W. Parrish
| Dialäkt: Mìlhüüserisch |
Dr Lucian Walton Parrish (* 10. Janner 1878 ìm Grayson County, Texas; † 27. März 1922 z’ Wichita Falls, Texas) ìsch a àmerikànischer Politiker gsìì. Vu 1919 bis 1922 hàt’r dr Bundesschtààt Texas ìm Represantàntahüüs vu da Verainigta Schtààta vertratta.
sii Laawa un Kàrriar ändere
Dr Lucian Walton Parrish ìsch ànna 1878 ìm Nordoschta vum Texas uff d’ Walt kumma. Ar ìsch dr Suhn gsìì vum Jefferson C. un vu dr Mattie Parrish geborena Hanna. Ànna 1887, wu-n-’r niina Joohra àlt gsìì-n-ìsch, ìsch’r mìt siina Äältra ìns Clay County kumma. Doo sìnn d’ Äältra Vìehzìchter gsìì. Dr Parrish ìsch ìn d’ äffentliga Schüala z’ Joy un Bowie gànga. Drnooh hàt’r àn dr Normààla Schtààtshoochschüal vum Nordtexas z’ Denton gschtudiart. Nochhar ìsch’r zwai Joohra làng Lehrer ìm Clay County gsìì. Drnooh hàt’r Racht àn dr Üniwärsiteet vum Texas z’ Austin gschtudiart. Doo ìsch’r Vorsìtzender vum Politisch-Wìrtschàftliga Verain un vum Schtudantaverain gsìì. Drzüa hàt’r vu 1903 bis 1906 àls Guard ìn dr Àmerikànisch-Football-Mànnschàft vu dr Üniwärsiteet gschpìelt, da Texas Longhorns; ar ìsch àui ìn dr Àllsüüdliga Mànnschàft so wia ìn’ra Àlltexànischa Mànnschàft gsìì.[1][2][3] Àn dr Üni ìsch’r àui Liichtàthletiker gsìì.[3] Noh-n-em Schtudium ìsch’r ànna 1909 àls Rachtsànwàlt züaglooh worra. Àls Ànwàlt hàt’r z’äärscht z’ Henrietta gschàfft.
Ìn Politik ìsch dr Parrish Mìtglìed vu dr Demokràtischa Pàrtäi gsìì. Àn da Kongrasswàhla vu 1918 ìsch’r ìm 13. Wàhlbezirk vum Texas àls Àbgoordnet ìns US-Represantàntahüüs gwählt worra. Ìm Represantàntahüüs z’ Washington, D.C. ìsch’r àb’m 4. März 1919 àls Noohfolger vum John Marvin Jones gsìì. Ìm 66. Kongrass ìsch’r Mìtglìed ìm Hüüshàltsüüssschuss gsìì.[4] Ar ìsch ainmol àls Àbgoordnet’r wìedergwählt worra un ìsch bis züa siim Tood àm 27. März 1922 ìm Kongrass blìewa. Ìn dara Zitt hàt dr Kongrass dr 18. un dr 19.Verfàssungszüasàtz ràtifiziart. Àls Àbgoordnet ìsch dr Parrish geega d’ Màssa-n-iiwànderung gsìì, bsunders geega d’ Iiwànderung vun öiropäischa Juuda.[5] Ànna 1921 hàt’r a Gsätzäntwurf vorgschlààga, fìr d’ Iiwànderung ìn Àmerikà z’ verrìngra.[6][7]
Kurz vor siim Tood hàt dr Parrish a Kàmpània fìr a Nominiarung fìr d’ Senàtwàhl ààgfànga ghàà. Gschtoorwa-n-ìsch dr Lucian Parrish z’ Wichita Falls ìm Norda vum Texas, noh-n-ema Autounfàll: uff’m Waag vun Anson uff Roby-n-ìsch sii Wààga vu’ma Brucka käijt. Drbii sìnn sii Schadel un Keefel gbrocha worra. Dr Parrish ìsch z’äärscht ìns Schpìtàl vu Stamford iiglìefert worra[8] un ìsch drnooh ins Krànkahüüs vu Wichita Falls verlägt worra. Zwelf Taag noh-n-em Unfàll ìsch’r àn’ra Hìrnhüütäntzìndung gschtoorwa, ìm Àlter vu 44 Joohra.[9] Beardigt worra-n-ìsch’r uff’m Hope-Frìedhoof z’ Henrietta.
Ànna 1912 hàt’r d’ Gladys Edwards ghiiroota ghàà. Mìt ìhr hàt’r zwai Kìnder ghàà, d’ Mary un dr Lucian.
Lìteràtüür ändere
- Lucian Walton Parrish. In: George Derby, James Terry White (Hrsg.): The National Cyclopædia of American Biography. J. T. White, 1929 (englisch).
- Parrish, Lucien Walton (1878–1922). In: The Handbook of Texas Online. Texas State Historical Association, 1952 (englisch, tshaonline.org [abgerufen am 26. April 2022]).
- Lucian Walton Parrish. In: Ben R. Guttery (Hrsg.): Representing Texas. CreateSpace Independent Publishing Platform, 2007, ISBN 978-1-4196-7884-4, S. 116–7 (englisch, google.fr [abgerufen am 26. April 2022]).
- Parrish, Lucian Walton (1878-1922). In: Lawrence Kestenbaum (Hrsg.): The Political Graveyard: Index to Politicians. (englisch, politicalgraveyard.com [abgerufen am 25. April 2022]).
Weblinks ändere
Commons: Lucian W. Parrish – Sammlig vo Multimediadateie- Lucian W. Parrish im Biographical Directory of the United States Congress
- Lucian W. Parrish in dr Datebank vu Find a Grave
Ainzelnoohwiisa ändere
- ↑ Trio of Stars In The Football Limelight At The State Texas State University. In: San Antonio Light. 6. Oktober 1907 (englisch).
- ↑ R. W. Franklin: Longhorns of All Time. In: Alcalde. Band 2, 1913, S. 364 (englisch, google.com [abgerufen am 26. April 2022]).
- ↑ 3,0 3,1 Lucian Walton Parrish. The University of Texas at Austin Athletics, archiviert vom Original am 19. April 2022; abgruefen am 26. April 2022 (änglisch).
- ↑ Committees of the 66th Congress: House Accounts Committee. In: Congressional Chronicle. C-SPAN.org, abgruefen am 26. April 2022 (änglisch).
- ↑ Jim Schultz: The Democracy Owners' Manual: A Practical Guide to Changing the World. Rutgers University Press, 2002, ISBN 978-0-8135-3038-3, Civil Rights and Criminal Wrongs, S. 59 (englisch, google.fr [abgerufen am 26. April 2022]).
- ↑ Nathan Vernon Madison: Anti-Foreign Imagery in American Pulps and Comic Books, 1920-1960. McFarland, Inc. Publishers, 2013, ISBN 978-1-4766-0136-6, S. 9–10 (englisch, google.fr [abgerufen am 26. April 2022]).
- ↑ Alison Landsberg: Prosthetic Memory: The Transformation of American Remembrance in the Age of Mass Culture. Columbia University Press, 2004, ISBN 978-0-231-50313-6, S. 52 (englisch, google.de [abgerufen am 26. April 2022]).
- ↑ Congressman Parrish, Hurt in Auto Accident, Rallies From Shock. In: Austin (TX) American-Statesman. 16. März 1922, S. 1 (englisch).
- ↑ Rep. Lucian W. Parrish Dies of Fatal Injuries Received While on Senatorial Campaign. In: El Paso (TX) Herald. 28. März 1922, S. 5 (englisch).
