Max Sandlin
| Dialäkt: Mìlhüüserisch |
Dr Max Allen Sandlin Jr. (* 29. Septamber 1952 z’ Texarkana, Arkansas) ìsch a àmerikànischer Politiker vu dr Demokrààtischa Pàrtäi. Vu 1997 bis 2005 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.
sii Laawa un Kàrriar
ändereDr Max Sandling ìsch ànna 1952 z’ Texarkana ìm Bundesschtààt Arkansas uff d’ Walt kumma. Ar ìsch dr Suhn gsìì vu dr Margie Beth Barnett un vun ìhrem Ehamànn Maxwell Allen Sandlin. Ar ìsch ìns Atlanta-Gymnààsium ìm Texàs gànga. Bis 1975 hàt’r àn dr Baylor-Üniwärsitäät z’ Waco gschtudiart. Doo ìsch’r Mìtglìed gsìì ìn dr Schtudanta-Briaderschàft Phi Delta Theta. Drnooh hàt’r ìn dr saalwa Üniwärsitäät Racht gschtudiart un ìsch ànna 1979 àls Rachtsànwàlt züagloo worra. Ar hàt àlso ààgfànga, àls Jurìscht z’ schàffa. Zwìscha 1986 un 1996 ìsch’r Rìchter ìn verschìedena texanischa Grìchter gsìì. Drnooh hàt’r àls prìwààter Rachtsànwàlt gschàfft. Naawadràà ìsch’r Mìtglìed ìm Vorschtànd fìr rachtliga-n-Ààglagahaita fìrs Oscht-Texàs gsìì.[1][2][3] Gschàfft hàt’r àui ìm Bànka- un ìm Enärgiisektoor.
Ìn Politik ìsch dr Sandling Mìtglìed vu dr Demokrààtischa Pàrtäi worra. Àn da Kongrasswàhla vum Joohr 1996 ìsch’r ìm äärschta Wàhlbezirk vum Texas ìns àmerikànischa Represantàntahüüs gwählt worra. Ìm Hüüs z’ Washington, D.C. ìsch’r àb’m 3. Janner 1997 gsìì, àls Noohfolger vum Jim Chapman. Ar ìsch bis ìn d’ Pàrtäifiahrerschàft ìm Hüüs glunga un ìsch äärschter Vìza-Fràkzioonszwàng (Chief Deputy Whip) worra. Ar ìsch dräimol wìedergwählt worra un ìsch àlso bis zem 3. Janner 2005 ìm Kongrass blìewa. Doo ìsch’r Mìtglìed ìm Üüssschuss fìr Mìttel un Waager gsìì, so wia-n-ìm Finànzüüssschuss un ìm Üüschuss fìr Verkehr un Infràschtrüktüür. Mehrera Zittunga hann ìm Sandlin siina Reedakunscht globt.[4][5] Obwohl’r Mìtglìed vu dr Demokrààtischa Pàrtäi gsìì-n-ìsch, hàt dr Sandlin oft mìttelgschtällta odd’r gààr konsärwàtiiwa Mainunga vertratta —ar hàt àlso züa dr „Blue Dog-Koalizioon“ gheert. Dr Kongrassmìtglìed George Miller üss’m Kàlifornia hàt amol gsajt, àss dr Sandlin „sìcherlig dàs Tàlant [ghàà] hàt, fìr dr Bìndniss zwìscha da Liberààla un da Mìttelgschtällta z’ bìlda“.[6] Wu dr Sandlin Àbgoordnet gsìì-n-ìsch, sìnn d’ Terrorààschlaag àm 11. Septamber 2001, dr Iràkkriag un dr Militääriisàtz ìm Àfghànischtàn gsìì. Ànna 2003 hann d’ Repüblikààner d’ Wàhlbezirker ìm Texàs loo umschtälla; doo drbii hann sa unteràndrem wälla, àss dr Sandlin weeniga Schtìmma bikummt. Àn dr Kongrasswàhl vu 2004 ìsch dr Sandlin vum Repüblikààner Louie Gohmert gschlààga worra; doo drbii hàt dr Sandlin numma 39 Prozant vu da Schtìmma bikumma.
Verhiirootet ìsch dr Max Sandling mìt dr ehamààliga Kongrassàbgoordneta Stephanie Herseth Sandlin üss’m South Dakota.[7] Ar hàt fìmf Kìnder un dräi Groosskìnder.
Weblìnks
ändere
Commons: Max Sandlin – Sammlig vo Multimediadateie- Max Sandlin im Biographical Directory of the United States Congress
Ainzelnoohwiisa
ändere- ↑ Kevin Bogardus: Blue Dog heads to K Street. In: The Hill. 2. März 2011, abgruefen am 3. März 2011 (änglisch): „Sandlin is married to former Rep. Max Sandlin (D-Texas), a lobbyist who heads up the government relations and public strategies team at Mercury.“
- ↑ Matthew Murray: GOP Assails Sandlin Family Ties. In: Roll Call. CQ-Roll Call, Inc., 26. Juli 2010, abgruefen am 4. März 2011 (änglisch): „Rep. Stephanie Herseth Sandlin’s family situation is becoming a major headache for the South Dakota Democrat in her tough re-election bid, with Republicans ramping up their criticisms of her voting record — and her lobbyist husband’s extensive list of clients.“
- ↑ Thimothy Carney: The couple that passes through the revolving door together: Congresswoman joins her ex-Rep. husband on K St. In: Washington Examiner. Archiviert vom Original am 18. Juli 2011; abgruefen am 15. Mai 2022 (änglisch).
- ↑ Lindell: Hopefuls Aim To Be 'Right For East Texas'. (Nicht mehr online verfügbar.) In: Austin American-Statesman. 23. Oktober 2004, ehemals im Original; abgruefen am 15. Mai 2022 (änglisch). (Site cha nüme abgrüeft wärde; Suche im Webarchiv)
- ↑ Mary Madewell: Replacing Sandlin Won't Be Easy. In: Paris Daily News. 20. August 2003, abgruefen am 15. Mai 2022 (änglisch).
- ↑ The Hill. 14. November 2001 (englisch).
- ↑ Anne Schroeder: Wedding Bell Bliss. In: Politico. 22. März 2007, abgruefen am 22. März 2007 (änglisch).
|
Dä Artikel basiert uff ere fräie Übersetzig vu dere Version vum Artikel „Max_Sandlin“ vu de dütsche Wikipedia. E Liste vu de Autore un Versione isch do z finde. |
|
|
Dä Artikel basiert uff ere fräie Übersetzig vu dere Version vum Artikel „Max_Sandlin“ vu de änglische Wikipedia. E Liste vu de Autore un Versione isch do z finde. |