Dialäkt: Mìlhüüserdiitsch

Dr Samuel Bronson Cooper (* 30. Mai 1850 bi Eddyville, Kentucky; † 21. Àuigscht 1918 z’ New York City) ìsch a àmerikànischer Politiker gsìì. Ar ìsch vu 1881 bis 1885 Mìtglìed vum Senàt vu Texas gsìì un hàt zwìscha 1893 un 1909 zwaimol dr Bundesschtààt Texas ìm US-Repräsantàntahüs vertratta.

Dr Samuel B. Cooper.

si Lawa un sina Kàrriar ändere

Dr Samuel Bronson Cooper ìsch àm 30. Mai 1850 bi Eddyville ìm Caldwell County uf d’ Walt kumma, ìm Bundesschtààt Kentucky. Noch ìn sim Geburtsjohr hàt’r mìt sina Ältra gwàndelt uf Woodville ìm Tyler County ìm Texas. Si Vàter, a methodischter Pfàrrer, ìsch ànna 1853 gschtorwa, àlso ìsch dr Cooper bi sim Unkel ufgwàchsa. Ar ìsch z' Woodville ìn d' äffentliga Schüala gànga un hàt schpeeter Racht gschtudiart. Ìm Janner 1872 hàt ma ìhn àls Rachtsànwàlt züagloo. Àls Ànwàlt hàt’r z’äärscht z’ Woodville gschàfft. Vu 1876 bis 1880 ìsch’r Schtààtsànwàlt gsìì ìm Tyler County. Üsserdam hàt’r ìm John Henry Kirby ghulfa, fìr Racht schtudiara.

Glichzittlig hàt dr Cooper sina politischa Làuifbàhn ààgfànga, àls Mìtglìed vu dr Demokràtischa Pàrtei. Vu Janner 1881 bis ìm Janner 1885 ìsch’r Mìtglìed gsìì vum Senàt vu Texas. Ìn dr 17. Legislàtürperioda hàt’r a Gsätz gschrìewa, fìr jedem konfederiarta Kriagsveteràn 1.280 Acres Lànd z' gaa. Àm And vu dr 18. Legislàtürperioda ìsch’r hàt ma ìhn àm 13. Àwril 1883 àls Vorsìtzender pro tempore vum Senàt gwählt. Dernoh hàt ìhn ànna 1885 dr àmerikànischa Presidant Grover Cleveland ernannt àls Laiter vu da Schtiirbeherda vum ärschta Finànzdistrikt vum Texas. Àn dara Schtälla hàt dr Cooper bis 1888 gschàfft. Ànna 1888 hàt’r sìch fìr d’ Schtälla vu’ma Rìchter ufgschtällt, ìsch àwer nìt ernannt worra.

Àn dr Kongresswàhl vu 1892 hàt ma dr Cooper gwählt àls Represantànt vum 2. Wàhlbezirk vu Texas. Ìm Kongress ìsch’r àb em 4. März 1893 ìm John B. Long si Nohfolger gsìì. Ìn dara Zitt hàt dr Spànisch-Àmerikànischa Kriag vu 1898 schtàttgfunda. Nohdam àss’r fìmfa Mol wìdder gwählt worra ìsch, ìsch dr Cooper àn dr Wàhl vu 1904 vum demokràtischa Kàndidàt Moses L. Broocks gschlàga worra. Àlso hàt dr Cooper àm 3. März dr Kongress müassa fàraloh. Trotzdam ìsch’r àn dr Wàhl vu 1906 nochamol Rapresantànt vum 2. Wàhlbeziark vu Texas gwählt worra. Noh sinera Àmtszitt ìm Kongress hàt ìhn dr Martin Dies senior àn dr Wàhl vu 1908 gschlààga. Ìm Kongress ìsch dr Cooper Mìtglìed vum Ussschüss fìr d’ Mìttel un d’ Wega gsìì. Ar hàt a Gsätz iigfiahrt, fìr mìt 600.000$ d' texanischa Stàdt Beaumont mìt’m Port Arthur Canal z’ verbìnda. Üsserdam ìsch dr Cooper ànna 1904 Vorsìtzender gsìì vu dr texanischa Delegàtion àn dr demokràtischa Nàtionàlversàmmlung vu 1904 z' Kansas City ìm Missouri.

Àm 16. Mai 1910 ìsch dr Cooper vum àmerikànischa Presidant William Howard Taft ernannt worra àls Mìtglìed vum Board of General Appraisers z' New York City, nohdam àss dr Marion De Vries si Sìtz fàraloo hàt. Dr Cooper ìsch àm 24. Mai 1910 vum àmerikànischa Senàt bschtätigt worra un ìsch àm 26. Mai 1910 züagloo worra. Do hàt’r gschàfft bis züa sim Tod. Ìhm hàt dr George Emery Weller nohgfolgt.

Nawa sinera politischa un berüaflicha Làuifbàhn ìsch dr Cooper Fräimürer vum Royal Arch Rite gsìì, un àui a Mìtglìed vu da Gehaimorganisationa Independent Order of Odd Fellows, Knights of Pythias un Benevolent and Protective Order of Elks.

Àm 21. Àuigscht 1918 ìsch dr Samuel Cooper z' New York City gschtorwa, nohdam àss’r krànk gsìì ìsch. Beardigt worra ìsch’r uf em Magnolia Cemetery z' Beaumont ìm Texas. Dr Cooper hàt fìmfa kìnder ghàà. Sina Tochter Willie Cooper Hobby ìsch d’ „Ärschta Dàma“ vum Texas worra.[1]

S’ Dorf Bronson ìm Sabine County ìsch noh-n-ìhm bnännt.[2]

Literàtür ändere

  • Robert Wooster: Cooper, Samuel Bronson. In: Handbook of Texas Online. Texas State Historical Association (englisch, tshaonline.org [abgerufen am 10. Januar 2020]).
  • Cooper, Samuel Bronson, (1850-1918). In: Jan Onofrio (Hrsg.): Texas Biographical Dictionary (= United States Biographical Dictionary. Band 32). Somerset Publishers, Inc., 2001, ISBN 0-403-09992-7, S. 143 (englisch, google.fr [abgerufen am 11. Januar 2020]).
  • Sam. Bronson Cooper, Woodville. In: Lewis E. Daniell (Hrsg.): Personnel of the Texas State Government: With Sketches of Representative Men of Texas. Maverick Print. House, 1892, S. 475/476 (englisch, google.fr [abgerufen am 11. Januar 2020]).

Externa Links ändere

Referanza ändere

  1. Miss Willie C. Cooper. In: Ida Hinman (Hrsg.): The Washington Sketch Book. Supplement. Hartman & Cadick, Printers, 1895, S. 23 (englisch, google.fr).
  2. Bronson (Sabine). In: Edward Callary (Hrsg.): Texas Place Names. University of Texas Press, 2020, ISBN 1-4773-2064-4, S. 45 (englisch, google.fr [abgerufen am 12. Januar 2020]).