Clay Stone Briggs

Dr Clay Stone Briggs (* 8. Janner 1876 z’ Galveston, Texàs; † 29. Àwrìl 1933 z’ Washington, D.C.) ìsch a US-àmerikànischer Politiker gsìì. Vu 1919 bis 1933 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Clay Stone Briggs ànna 1921

Dialäkt: Mìlhüüserdiitsch

sii Laawa un Kàrriar

Dr Clay Stone Briggs ìsch ànna 1876 z’ Galveston ìm Süüdoschta vum Bundesschtààt Texàs uff d’ Walt kumma. Ar ìsch dr Suhn gsìì vum George Dempster un dr Olive Briggs geboorena Branch. Ar ìsch ìn äffentliga un prìwààta Schüala vu siinera Haimet gànga. Doo druff hàt’r àn dr Üniwärsitäät vum Texàs z’ Austin un àn dr Harvard-Üniwärsitäät gschtudiart. Drnooh hàt’r àn dr Yale-Üniwärsitäät Racht gschtudiart un ìsch ànna 1899 àls Rachtsànwàlt züagloo worra. Àls Ànwàlt hàt’r z’äärscht z’ Galveston gschàfft. Gliichzittlig hàt’r siina politischa Kàrriar ààgfànga, àls Mìtglìed vu dr Demokrààtischa Pàrtäi. Ànna 1906 un 1908 ìsch’r Àbgoordnet’r ìm Represantàntahüüs vum Texàs gsìì. Vu 1909 bis 1919 ìsch’r Rìchter ìm zehnta Grìchtsbezirk vu siim Schtààt gsìì.

Àn da Kongrasswàhla vu 1918 ìsch dr Briggs ìm sìebta Wàhlbezirk vum Texàs ìns àmerikànischa Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 4. März 1919 àls Noohfolger vum Alexander W. Gregg gsìì. Ar ìsch sìewa Mol wìedergwählt worra un ìsch àlso bis züa siim Tood àm 29. Àwrìl 1933 ìm Kongrass blìewa. Wahrend dara Zitt hann d’ Kongrassmìtglìeder ànna 1919 un 1920 dr 18. un dr 19. Verfàssungszüasàtz ràtifiziart. Sitter 1929 ìsch àui d’ Àrwet vum Kongrass vu da Ärraignissa vu dr Waltwìrtschàftskriisa gepräägt gsìì.

Gschtoorwa-n-ìsch dr Briggs àn’ma Harzààfàll ìn dr àmerikànischa Hàuiptschtàdt Washington, D.C.. Beardigt worra-n-ìsch’r uff’m Oakwood-Frìedhoof z’ Syracuse ìm Bundesschtààt Nöi York. Ìm Represantàntahüüs hàt ìhm dr Clark W. Thompson noohgfolgt.

Dr Clay Stone Briggs hàt zwaimol ghiiroota. Siina zwaita-n-Ehafràui ìsch d’ Lois Slayton Woodworth gsìì. Mìt ìhra hàt’r zwai Kìnder ghàà.

Lìteràtüür

• Anne W. Hooker: Briggs, Clay Stone. In: The Handbook of Texas. Texas State Historical Association, 1952 (amerikanisches Englisch, tshaonline.org [abgerufen am 30. Juli 2022]). 
• Clay Stone Briggs. In: Ben R. Guttery (Hrsg.): Representing Texas. Ben Guttery, 2007, ISBN 978-1-4196-7884-4, S. 31 (amerikanisches Englisch, google.fr [abgerufen am 30. Juli 2022]). 

Weblìnks

 Commons: Clay Stone Briggs – Sammlig vo Multimediadateie

• Clay Stone Briggs im Biographical Directory of the United States Congress
• dr Clay Stone Briggs bii dr Legislative Reference Library of Texas (anglisch)
• Clay Stone Briggs in dr Datebank vu Find a Grave