Moses L. Broocks
| Dialäkt: Mìlhüüserdiitsch |
Dr Moses Lycurgus Broocks (* 1. Novamber 1864 bi San Augustine, Texas; † 27. Mai 1908 z’ San Augustine) ìsch a àmerikànischer Jurischt un Politiker gsìì. Vu 1905 bis 1907 hàt’r dr Bundesschtààt Texas vertratta ìm Represantàntahüss vu da Verainigta Schtààta.
si Lawa un sina Kàrriar ändere
Dr Moses Lycurgus Broocks ìsch àm 1. Novamber 1864 uf d’ Walt kumma, bi dr texanischa Schtàdt San Augustine. Ar ìsch ìn d’ äffentliga Schüala vu siner Haimet gànga. Ar hàt schpeeter Racht gschtudiart àn dr University of Texas z' Austin. Ànna 1891 hàt ma ìhn àls Rachtsànwàlt züagloo. Àls Ànwàlt hàt’r z’äärscht z’ San Augustine gschàfft. Glichzittlig hàt ar sina politischa Làuifbàhn ààgfànga, àls Mìtglìed vu dr Demokràtischa Pàrtäi. Vum 1. Oktober 1893 bis àm 1. Àuigscht 1895 ìsch’r Mìtglìed gsìì vum Represantàntahüss vum Texas, ìn dr 23. Legislàtürperioda. Dernoh ìsch’r uf Beaumont gwàndelt. Ànna 1896 ìsch’r Schtààtsànwàlt worra vum ärschta Gerìchtsbeziark vu sim Bundestààt.
Àn dr Kongresswàhl vu 1904 hàt ma dr Broocks gwählt àls Repräsantànt vum 2. Wàhlbeziark vum Texas. Ìm Kongress ìsch'r àb em 4. März 1905 gsassa, àls Nohfolger vum Samuel B. Cooper. Ànna 1906 hàt’r sìch gsundhaitshàlwer nìt fìr a näija Àmtszitt ufgschtällt.
Noh-n-em And vu sinera Àmtszitt ìm Kongress hàt dr Broocks nochamol àls Ànwàlt z’ San Augustine gschàfft, bis’r àm 27. Mai 1908 gschtorwa ìsch. Ar ìsch uf em Old Broocks Cemetery beardigt worra, àm Oschta vu San Augustine.
Literàtür ändere
- Broocks, Moses Lycurgus (1864–1908). In: Handbook of Texas Online. Texas State Historical Association (englisch, tshaonline.org [abgerufen am 10. Januar 2020]).
Externa Links ändere
- Moses L. Broocks im Biographical Directory of the United States Congress
- Moses L. Broocks in dr Datebank vu Find a Grave
- Moses Lycurgus Broocks ìn dr Texas Legislative Library (änglisch)
