Dialäkt: Mìlhüüserisch

Dr Scott Field (* 26. Janner 1847 z’ Canton, Madison County, Mississippi; † 20. Dezamber 1931 z’ Calvert, Texàs) ìsch a àmerikànischer Politiker gsìì. Vu 1903 bis 1907 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Dr Scott Field ànna 1889.

sii Laawa un Kàrriar ändere

Dr Scott Field ìsch ànna 1847 z’ Canton ìm Zäntrààl-Mississippi-n-uff d’ Walt kumma. Ar ìsch dr Suhn gsìì vum Henry un vu dr Jane Field geboorena Bates. Ar ìsch ìn d’ McKee-Schüal ìn siinera Haimetkàntoon gànga. Schpeeter hàt’r trotz siinera Jugend àm Bìrgerkriag tailgnumma, àls Soldàt ìm Heer vu dr Konfederàzioon. Bekampft hàt’r ìm Georgia unter’m Joseph E. Johnston un ìm Atlanta-Faldzug unter’m John Bell Hood. Noh-n-em Kriag hàt’r bis 1868 àn dr Üniwärsitäät vum Virginia z’ Charlottesville gschtudiart. Drnooh hàt’r zwai Joohra làng àls Lehrer gschàfft. Ar hàt Racht gschtudiart un ìsch ànna 1872 àls Rachtsànwàlt züagloo worra. Àls Ànwàlt hàt’r z’äärscht z’ Calvert ìm Texàs gschàfft. Vu 1878 bis 1882 ìsch’r Schtààtsànwàlt ìm Robertson County gsìì. Gliichzittlig hàt’r siina politischa Kàrriar ààgfànga, àls Mìtglìed vu dr Demokrààtischa Pàrtäi. Vu 1887 bis 1891 ìsch’r Mìtglìed ìm Senàt vum Texàs gsìì. Ànna 1892 ìsch’r Delegiart’r uff dr Demokrààtischa Nàzionààlkumferanz z’ Chicago gsìì, wu dr Grover Cleveland àls Kàndidàt fìr d’ Presidàntschàftswàhl nominiart worra-n-ìsch.

Àn da Kongrasswàhla vu 1902 hàt maa dr Field ìm säckschta Wàhlbezirk vum Texàs ìns àmerikànischa Represantàntahüüs gwählt. Ìm Hüüs z’ Washington, D.C.-n-ìsch dr Field àb’m 4. März 1903 gsìì, àls Noohfolger vum Dudley G. Wooten. Ar ìsch ainmol wìedergwählt worra un ìsch àlso bis àm 3. März 1907 ìm Kongrass blìewa. Ànna 1906 hàt’r sìch nìt fìr a Wìederwàhl uffgschtällt. Noh-n-em And vu siinera Zitt ìm Represantàntahüüs hàt dr Field witter àls Ànwàlt gschàfft. Ànna 1913 hàt’r daa Berüaf fàraloo, fìr intänsiv ìn dr Làndwìrtschàft schàffa.

Gschtoorwa-n-ìsch dr Field àn’ra Wäänaverschtupfung àm 20. Dezamber 1931 z’ Calvert.[1] Ar ìsch doo uff’m Schtàdtfrìedhoof beardigt worra.

Dr Scott Field hàt sìch dräimol verhiirootet: z’äärscht mìt dr Victoria Luckey-n-üss’m Mississippi —wo zwai Joohra schpeeter gschtoorwa-n-ìsch—, drnooh mìt dr Lucy E. Garrett Randolph üss Calvert —mìt wäller ar dräi Seehn ghàà hàt— un schliasslig mìt dr Maude Harlan Green üss Calvert.

Lìteràtüür ändere

  • James L. Hailey: Field, Scott. In: The Handbook of Texas Online. Texas State Historical Association, 1952 (amerikanisches Englisch, tshaonline.org [abgerufen am 30. Mai 2022]).
  • Scott Field. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 61 (amerikanisches Englisch, google.fr [abgerufen am 30. Mai 2022]).

Weblìnks ändere

  • Scott Field im Biographical Directory of the United States Congress
  • Scott Field in dr Datebank vu Find a Grave

Ainzelnoohwiisa ändere

  1. Genealogy Report: Descendants of George Keesee I. In: genealogy.com. 18. September 2000, abgruefen am 30. Mai 2022 (änglisch).