Dialäkt: Elsassisch (Ìwerelsàss)

Dr George Washington Whitmore (* 26. Àuigscht 1824 ìm McMinn County, Tennessee; † 14. Oktober 1876 z Tyler, Texas) ìsch a US-àmerikànischer Jurischt un Politiker vu Texas gsìì. Vun 1869 bis 1871 ìsch ar US-Repräsantànt fìr dr Bundesstààt Texas gsìì. Wahrem Sezessionskriag ìsch ar a Unionischt gsìì.

Dr George Washington Whitmore

BiogràfiBearbeite

Dr George Washington Whitmore ìsch àm 26. Àuigscht 1824 ìm McMinn County ìm Bundesstààt Tennessee uf d' Walt kumma. Ar ìsch dr Sohn vu dr Elizabeth un vum John Whitmore gsìì. Ar ìsch ìn d' éffentliga Schüala vu sim Haimetsstààt gànga. Ànna 1848 hàt ar ufs Harrison County ìn Texas gwàndelt. Ar hàt Racht gstudiart, un ìsch àm 1. Juli 1850 àls Rachtsànwalt züagloo worra. Dernoh hàt ar àls Rachtsànwalt gschàfft un hàt glichzittlig sina politischa Làuifbàhn ààgfànga. Àn dr Präsidäntswàhl vu 1852 hàt ar d' Whig Party àktiv unterstìtzt. Ànna 1852, 1853 un 1858 ìsch ar Mìtglìed vum Repräsantàntahüs vun Texas gsìì. Àn dr Kongresswàhl vu 1860 hàt ar àn dr Wàhlkampània vum Kàndidàt John Bell vu dr Constitutional Union Party ìn Oschttexas mìtgmàcht. Nohdam àss dr Abraham Lincoln àls US-Präsidänt gwählt worra ìsch, hàt dr George Whitmore ànna 1861 zamma mìt zwelf àndra Texas-Repräsantànta gega d' Zustìmmung vu dr Sezessionsversàmmlung gwählt.

Wahrem Sezessionskriag hàt ar ufs Smith County gwàndelt un ìsch waga sina unionischtischa Stàndpunkta vu da Konféderiarta fascht a Joohr làng bis ànna 1864 ohna Prozass iischpärra worra (u. a. àm Camp Ford z Tyler). Wahrem Wìderuffbàui vun Texas ìch ar vum Àuigscht 1865 bis ìm Juni 1866 Stààtsànwàlt ìm 9. Gerìchtsbezirk vum Texas gsìì un ànna 1867 Konkursverwàlter gsìì. Ànna 1867 ìsch ar àui Mìtglìed vu dr Republikànischa Pàrtei worra.

Dr Whitmore ìsch Mìtglìed vum Verfàssungsversàmmlung vu Texas 1868/1869 gsìì un ìsch àui dr Vorsìtzender vu dara Versàmmlung gsìì. Üsseram ìsch ar ìm Àuigscht 1868 dr Vorsìtzender vu dr Versàmmlung vu da Ràdikàla Republikàner gsìì.

Àb em 30. März 1870 ìsch dr Whitmore republikànischer Mìtglìed vum US-Repräsantàntahüs fìr dr erschta Wàhlbezirk vun Texas gsìì. Noh sim Nìderlaag àn dr Kongresswàhl 1870 gega dr Demokàter William S. Herndon hàt ar 's Repräsantàntahüs àm 3. März 1871 müassa fàraloh. Dernoh hàt ar nochamàl àls Ànwàlt gschàfft un ìsch àktiver Mìtglied vu dr Republikànischa Pàrtei ìn Texas gblììwa.

Dr Whitmore ìsch àm 14. Oktober 1876 z Tyler ìn Texas gstorwa, wo-n-ar bstattet worra ìsch.

LiteràtürBearbeite

  • Randolph B. Campbell: Whitmore, George Washington (1824–1876). In: Handbook of Texas Online. Texas State Historical Association (englisch, tshaonline.org [abgerufen am 29. November 2020]).
  • Randolph B. Campbell: George W. Whitmore: East Texas Unionist. In: East Texas Historical Journal. Band 28, Nr. 1, 1990, Kap. 6 (englisch, sfasu.edu).

Externa LinksBearbeite