Charles Stewart (Politiker, 1836)

Dialäkt: Mìlhüüserdiitsch

Dr Charles Stewart (* 30. Mai 1836 z’ Memphis, Tennessee; † 21. Septamber 1895 z’ San Antonio, Texas) ìsch a àmerikànischer Jurischt un Politiker gsìì. Vu 1883 bis 1893 hàt’r dr Bundesschtààt Texas vertratta ìm Represantàntahüss vu da Verainigta Schtààta, fìr d’ Demokràtischa Pàrtei.

Dr Charles Stewart.

si Lawa un sina Kàrriar

Dr Charles Stewart ìsch àm 30. Mai 1836 z’ Memphis, ìm Bundesstààt Tennessee, uf d’ Walt kumma. Ar ìsch dr Suhn gsìì vum Charles Stewart un vu dr Martha geborena Moore. Ànna 1845 hàt’r mìt sina Ältra uf Galveston ìns Texas gwàndelt. Doo ìsch’r ìn d’ äffentliga Schüala gànga. Ar hàt Racht gschtudiart unter em James W. Henderson un ìsch ànna 1854 àls Rachtsànwàlt züagloo worra. Dernoh hàt ar z’ Marlin àls Ànwàlt gschàfft. Vu 1856 bis 1860 ìsch’r Schtààtsànwàlt gsìì vum 13. Gerìchtsbezirk vum Texas. Üsserdam ìsch’r Mìtglìed vu dr demokràtischa Pàrtäi worra. Ànna 1861 ìsch’r Biigeordneter gsìì ìn’ra Versàmmlung, wo d’ Üsstrììt vu Texas üss dr Union bschlossa hàt. Wahrem Sezessionskriag hàt dr Stewart ìm Heer vu da Konfederiarta Schtààta diant, unterànderem ìm „10 Infànterie-Rägiment vu Texas“. Ànna 1866 hàt’r uf Houston gwàndelt, wo-n-’r nochamol àls Rachtsànwàlt gschàfft hàt. Vu 1874 bis 1876 ìsch’r juristischer Beràter gsìì vu dr Stàdtverwàltung vu Houston.

Vu 1878 bis 1882 ìsch dr Stewart Mìtglìed gsìì vum Senàt vum Texas. Doo hàt’r s’ äffentliga Schüalsystem befìrwortet. Noh da Kongresswàhla vu 1882 ìsch’r vum 4. März 1883 bis àm 3. März 1893 dr àmerikànischer Repräsantànt gsìì fìr dr 1. Wàhlbezirk vum Texas. Àn dara Schtälla ìsch’r ìm John Henninger Reagan si Nohfolger gsìì. Üsserdam ìsch’r ìm Kongress Mìtglìed vum Üssschuss fìr Flüssa un Hàfa gsìì. Noh sina fìmfa Wàhlperioda ìm Kongress hàt’r sìch àn dr Wàhl 1892 nìt ufgschtällt. Dernoh ìsch’r nochamol Ànwàlt z’ Houston gsìì.

Dr Stewart ìsch Frimüürer gsìì un ìsch ànna 1883 Grossmaischter vu da Frimüürer vum Texas gsìì.

Dr Stewart ìsch àm 21. Septamber 1895 z’ San Antonio gstorwa. Ma hàt ìhn uf em Glenwood Cemetery z’ Houston beardigt.

Literàtür

• Anne W. Hooker: Stewart, Charles (1836–1895). In: Handbook of Texas Online. Texas State Historical Association (englisch, tshaonline.org [abgerufen am 30. November 2020]). 

Externa Links

• Charles Stewart im Biographical Directory of the United States Congress
• Charles Stewart uf govtrack.us (änglisch)
• Charles Stewart ìn dr Legislative Reference Library vu Texas (änglisch)
• Charles Stewart (Politiker, 1836) in dr Datebank vu Find a Grave

Dä Artikel basiert uff ere fräie Übersetzig vu dere Version vum Artikel „Charles_Stewart_(Politiker,_1836)“ vu de dütsche Wikipedia. E Liste vu de Autore un Versione isch do z finde.