Timothy Pilsbury

Dialäkt: Mìlhüüserdiitsch

Dr Timothy Pilsbury (* 12. Àwril 1789 z’ Newburyport, Massachusetts; † 23. Novamber 1858 z’ Henderson, Texas) ìsch a àmerikànischer Jurischt un Politiker gsìì. Ar hàt vu 1845 bis 1849 dr Bundesschtààt Texas ìm Repräsantàntahüs vu da Verainigta Schtààta vertratta.

si Lawa un sina Kàrriar

Dr Thimothy Pilsbury ìsch ìn sinera Haimet ìn d’ äffentliga Schüala gànga. Nohhar ìsch’r fìr äbb zwai Johra Lààda-n-Àgschtällter gsìì. Dernoh ìsch’r Seemànn worra. Wahrem Britisch-Àmerikànischer Kriag vu 1812 ìsch’r dr Kumadànt vu’ma Kàperschìff gsìì. Schpeeter hàt’r z’ Eastport glabt, ìm näija Bundesstààt Maine. Ar ìsch Àbgordneter gsìì ìm Repräsantàntahüs vum Maine vu 1825 bis 1826, un dernoh Mìtglìed vum Regiarungsrot vu dam Bundesschtààt vu 1827 bis 1836. Ànna 1836 hàt’r sìch àls Kàndidàt fìr dr àmerikànischa Kongress ufgschtällt, àwer ar ìsch nìt gwählt worra.

Nohhar hàt dr Pilsbury s’ Maine fàraloh. Ar hàt ìn Ohio un uf New Orleans gwàndelt, un schpeeter uf Brazoria ìn dr Republik Texas. Ar ìsch ànna 1840 un 1841 Àbgordneter gsìì ìm Repräsantàntahüs vu dara Republik, un ànna 1842 Mìtglìed vum texanischa Senàt. Schliasslig ìsch’r Rìchter gsìì vum Gerìchtsbeziark vu sinera näija Haimetstàdt. Ìm Brazoria County ìsch’r àui Nàchlàssrìchter gsìì. Ànna 1845 ìsch’r nochamol Mìtglìed vum Senàt vu dr Republik Texas gsìì.

Nohdam àss s’ Texas àls Bundesschtààt vu dr Union ààgnumma worra ìsch, hàt ma dr Pilsbury àls àmerikànischer Represantànt gwählt ìm zwaita Wàhlbeziark vum Texas. Ìm Repräsantàntahüs ìsch’r àb em 30. März 1846 gsassa. Ar ìsch aimol wìdergwählt worra un hàt ìm Kongress bis àm 3. März 1849 känna bliiwa. Ìn dara Zitt hàt dr mexikànisch-àmerikànischer Krieg stàttgfunda. Ànna 1848 ìsch dr Pilsbury nìt gwählt worra. Noh-n-em And vu sinera Àmtszitt ìm Kongress ìsch’r üs dr Politik z’rucktratta. Ar ìsch àm 23. Novamber 1858 z’ Henderson gstorwa. Ar ìsch àui doo beardigt worra.

Nawa dr Politik ìsch dr Pilsbury Fräimürer gsìì.

Literàtür

• L. W. Kemp: Pillsbury, Timothy. In: Handbook of Texas Online. Texas State Historical Association (englisch, tshaonline.org [abgerufen am 7. Februar 2021]). 

Weblinks

• Timothy Pilsbury im Biographical Directory of the United States Congress

• Timothy Pilsbury in dr Datebank vu Find a Grave