Volney Howard

Dialäkt: Ìwerelsassisch

Dr Volney Erskine Howard (* 22. Oktober 1809 z’ Norridgewock, Massachusetts; † 14. Mai 1899 z’ Santa Monica, Kàlifornia) ìsch a US-àmerikànischer Jurischt un Politiker gsìì. Ar hàt vu 1849 bis 1853 dr Bundesstààt Texas ìm US-Repräsantàntahüs vertratta.

Dr Volney Howard.

Lawa un KàrriarBearbeite

Dr Volney Erskine Howard ìsch ìm hittiga Maine uf d’ Walt kumma. Ar ìsch ìn d’ äffentliga Schüala vu sinera Haimet, so wia ìn d’ Bloomfield Academy un ìns Colby College gànga. Ar hàt dernoh Racht gstudiart un ìsch ànna 1832 àls Rachtsànwàlt züagloo worra. Ar hàt z’ärscht àls Ànwàlt z’ Brandon ìm Bundesstààt Mississippi gschàfft. Ànna 1836 ìsch ar Mìtglìed vum Repräsantàntahüs vum Mississippi worra. Àls Àbgordneter hàt ar em Bundesstààt sina Wàhl fìr dr Kàndidàt Martin Van Buren uf Washington, D.C. gbrocht. Glichzittig ìsch ar àui Gerìchtsspracher (Reporter) vum Ìwerschta Gerìchtshof vu Mississippi gsìì. Politisch ìsch ar Mìtglìed vu dr Demokràtischa Pàrtei gsìì. Ànna 1840 hàt ar sìch ärfolgloos àn da Kongresswàhla ufgstellt. Ìn dara Zitt ìsch ar àui z’ Vicksburg dr Üssgawer vu dr demokràtischa Zittung Mississipian gsìì. Waga sinera Schtällungsnàhma hàt ar àn mehrera Zwaikampfa teilgnumma, u. a. gega dr Vorsìtzenda vu dr Union Bank, dr Hiram G. Runnels. Dr Howard hàt nochhar bis ìm Juni 1844 z’ New Orleans gschàfft, bevor àss ar z’ San Antonio (Texas) gwàndelt hàt. Ar ìsch ànna 1845 Delegiarter uf d’ verfàssungsawenda Versàmmlung vum Texas gsìì un hàt vu 1846 bis 1847 ’s Bexar County ìn dr ärschta Legislàtür vum Repräsantàntahüs vum Texas vertratta. Üsserdam ìsch ar ànna 1846 vum Gouverneur James Pinckney Henderson àls Attorney General vum näja Bundesstààt ernannt worra, ìsch àwer vum texanischa Senàt àbgwììsa worra.

Àn da Kongresswàhla vu 1848 ìsch dr Howard ìm 2. Wàhlbeziark vu Texas àls US-Repräsantànt gwählt worra. Ìm Repräsantàntahüs ìsch ar àls Nohfolger vum Timothy Pilsbury vum 4. März 1849 un noh-n-era Wìderwàhl bis àm 3. Mai 1853 gsassa. Wahrend dana zwai Legislàtürperioda hàt maa ìm Kongress oft um d’ Sklàvaräi verhàndelt. Ànna 1852 ìsch dr Howard nìt wìdergwählt worra.

Noh-n-em And vu siner Àmtszitt ìm Kongress hàt dr Howard àls Ànwàlt z’ San Francisco un z’ Los Angeles gschàfft. Vu 1861 bis 1870 ìsch ar Beziarksstààtsànwàlt ìn sinera näja Haimet gsìì. Ànna 1878 un 1879 hàt ar àls Delegiarter àn era Versàmmlung fìr d’ Beàrwaitung vu dr Stààtsverfàssung mìtgmàcht. Vu 1878 bis 1884 ìsch ar àls Rìchter vum Ìwera Gerìchtshof vu Los Angeles ernannt worra. Ar hàt gesundhaitshàlwer da Àmt numma fìr aina Àmtszitt känna üssiawa, un hàt züadam a Nominiarung àls Rìchter vum Ìwerschter Gerìchtshof vun da Verainigta Stààta àbglahnt. Ar ìsch àm 17. Mai 1899 z’ Santa Monica gstorwa un ìsch z’ Los Angeles beardigt worra.

’S Howard County ìm Texas ìsch noh-n-ìhm bnannt.[1]

LiteràtürBearbeite

  • L. W. Kemp: Howard, Volney Erskine. In: Handbook of Texas Online. (englisch, tshaonline.org [abgerufen am 3. Februar 2021]).
  • Samuel Lanner Kreider: Volney Erskine Howard: California Pioneer. In: The Quarterly: Historical Society of Southern California. Band 31, Nr. 1–2, 1949, S. 119–134, doi:10.2307/41168185 (englisch).
  • Thomas John Carey: Volney E. Howard. In: Mississippi Encyclopedia. Center for Study of Southern Culture, 14. April 2018 (englisch, mississippiencyclopedia.org [abgerufen am 3. Februar 2021]).
  • Volney Erskine Howard. In: Ben R. Guttery (Hrsg.): Representing Texas. 2007, ISBN 1-4196-7884-1, S. 84–85 (englisch, google.fr [abgerufen am 3. Februar 2021]).
  • Jan Onofrio: Howard, Volney Eskine. In: Texas Biographical Dictionary. Somerset Publishers, Inc., 2001, ISBN 0-403-09992-7, S. 276 u. ff. (englisch, google.fr [abgerufen am 3. Februar 2021]).
  • James Daniel Lynch: Volney E. Howard. In: The Bench and Bar of Texas. Nixon-Jones Printing Company, 1885, S. 385–390 (englisch, google.fr).
  • KC: Death of Volney E. Howard. In: Los Angeles Herald. Band 32, Nr. 35, 15. Mai 1889 (englisch, ucr.edu [abgerufen am 3. Februar 2021]).

Externa LinksBearbeite

ReferanzBearbeite

  1. Henry Gannett: The origin of certain place names in the United States. Govt. Print. Off., 1905, S. 162 (englisch, archive.org).