Joseph Weldon Bailey junior

Dialäkt: Mìlhüüserdiitsch

Dr Joseph Weldon Bailey Jr. (* 15. Dezamber 1892 z’ Gainesville, Texas; † 17. Juli 1943 àui doo) ìsch a àmerikànischer Politiker gsìì vu dr Demokràtischa Pàrtäi. Vu 1933 bis 1935 hàt’r dr Bundesschtààt Texas vertratta ìm Represantàntahüss vu da Verainigta Schtààta.

si Lawa

Dr Bailey Jr. ìsch ànna 1892 z’ Gainesville uf d’ Walt kumma, ìm Norda vum Texas. Si Vàter Joseph Weldon Bailey hàt s’ Texas vertratta ìn baida Kàmmer vum àmerikànischa Kongress.

Dr Bailey Jr. ìsch ìn d’ äffentliga Schüala gànga ìn sinera Haimetschtàdt, àwer àui z’ Washington, D.C.. Ar hàt àn dr Ünivärsitet vu Princeton gschtudiart bis 1895, un dernoh àn dr Ünivärsitet vum Virginia z’ Charlottesville bis 1919. Ar hàt jedoch vu 1917 bis 1919 d’ Schtudia müessa unterbracha, fìr ìn dr Ärschta Waltkriag ge kampfa. Do drbi ìsch’r Owerlöitnànt worra ìm àmerikànischa Heer. Ànna 1920 hàt ma ìhn àls Rachtsànwàlt züagloh. Àls Ànwàlt hàt’r z’äärscht z’ Fort Worth gschàfft, un schpeeter mìt sim Vàter z’ Downtown Dallas. Gliichzittig hàt’r sina politischa Kàrriar ààgfànga, àls Mìtglìed vu dr Demokràtischa Pàrtäi. Vu 1922 bis 1934 ìsch’r Delegiarter gsìì àn da texanischa Demokràtischa Schtààtsversàmmlunga.

Àn dr Kongresswàhl vu 1932 hàt ma dr Bailey Jr. gwählt àls Sunder-Represantànt vum Texas. Dr 19. Wàhlkrais vum Texas ìsch numma ìm Johr 1934 ärschtällt worra. Dr Bailey Jr. ìsch ìm Kongress gsìì fìr numma aina Legislàtürperioda, vum 4. März 1933 bis àm 3. Janner 1935. Àls Àbgordneter hàt’r d’ Rachta vu da Bundesschtààta vertaidigt gega-n-ìwer d’ Bundesregiarung. Ar ìsch gega d’ Prohibition gsìì; noh-n-ìhm ìsch dr 18. Verfàssungszüasàtz a „Fahler“ gsìì. Wahrend sinera Àmtszitt hàt dr Kongress d’ ärschta Gsätzer vum New Deal biigstìmmt unt’r dr Präsidàntschàft vum Frankin D. Roosevelt. Obwohl Mìtglìed vu dr Demokràtischa Pàrtäi, ìsch dr Bailey gega mehrera vu dara Gsätzer gsìì: ar hàt gstìmmt gega s’ „Gsätz vum Johr 1933 fìr d’ Wìderuffbàui vu dr Nàzionàla Ìndüschtri“, gega d’Àrwetloosversìcherunga un gega d’ Refinànziarung vu da Hypotheeka. Züadam ìsch dr Bailey Jr. Mìtglìed gsìì vum Üssschuss fìr d’ Gsätzer um d’ Waltkriag-Veteràna; doo hàt’r unterànderem d’ finanziella Unterschtìtzung fìr d’ Veteràna befìrwortet. Ànna 1934 hàt’r sìch nìt fìr a Wìderwàhl ufgschtällt.

Ànna 1934 hàt sìch dr Bailey Jr. ufgschtällt fìr a Nominiarung dur sina Pàrtäi fìr d’ Senàtwàhl; d’ Urwàhl hàt àwer dr Tom Connally gwunna. Ìm Zwaita Waltkriag ìsch dr Bailey Hàuiptmànn gsìì ìn dr àmerikànischa Seemàcht.

Noh-n-ema Autounfàll ìsch dr Joseph Weldon Bailey, Jr. àm 17. Juli 1943 gschtorwa àm Camp Howze z’ Gainesville. Ma hàt ìhn beardigt bi sim Vàter uf em Fairview Cemetery z’ Gainesville. Schpeeter hàt ma si Gràbschtai versätzt uf dr Fridhof vum Sparkman-Hillcrest Memorial Park z’ Dallas.

Dr Bailey ìsch Presbyteriàner gsìì. Mìt sinera Ehafràui Roberta Lewis hàt’r a Suhn ghàà, dr Joseph Weldon Bailey III.

Literàtür

• Ronald W. Melugin: Bailey, Joseph Weldon, Jr. In: The Handbook of Texas Online. Texas State Historical Association (englisch, tshaonline.org [abgerufen am 21. Mai 2021]). 
• Joseph Weldon Bailey, Jr. In: Ben R. Guttery (Hrsg.): Representing Texas. CreateSpace Independent Publishing Platform, 2007, ISBN 978-1-4196-7884-4, S. 18 (google.fr [abgerufen am 13. Mai 2021]). 

Weblinks

• Joseph Weldon Bailey im Biographical Directory of the United States Congress
• Joseph Weldon Bailey junior in dr Datebank vu Find a Grave