Asa H. Willie

Dialäkt: Mìlhüüserisch

Dr Asa Hoxie Willie (* 11. Oktoower 1829 z’ Washington, Georgia; † 16. März 1899 z’ Galveston, Texàs) ìsch a àmerikànischer Jurischt un Politiker gsìì. Vun 1873 bis 1875 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Dr Asa H. Willie

sii Laawa un Kàrriar

Dr Asa Hoxie Willie ìsch ànna 1829 z’ Washington ìm Nordoschta vum Bundesschtààt Georgia-n-uff d’ Walt kumma. Ar ìsch dr Suhn vum James un vu dr Caroline E. Willie geborena Hoxie gsìì, un dr jìngera Brüader vum James Willie (1823-1865), wo-n-Àbgoordnet ìm Represantàntahüüs vum Texàs worra-n-ìsch. Siina Müatter hàt üss Barnstable ìm Massachussetts gschtàmmt un ìsch Kwääker gsìì. Sii Vàtter ìsch a Handler üss’m Vermont gsìì. Ànna 1833 ìsch dr Vàtter gschtoorwa; dr Willie ìsch àlso bii siinera Müatter uffgwàcksa. Obwohl d’ Müatter àrm gsìì-n-ìsch, hàt dr Willie ìn siinera Haimet a güata prìwààta Schüalüüsbìldung bikumma. Ànna 1846 hàt’r bii siim Unkel Asa Hoxey uff Independence ìm Texàs gwàndelt.

Dr Willie hàt Racht gschtudiart un ìsch ànna 1848 àls Rachtsànwàlt züagloo worra. Ar hàt àlso ààgfànga, ìm Texàs àls Ànwàlt z’ schàffa. Vun 1852 bis 1854 ìsch’r Schtààtsànwàlt ìm drìtta Grìchtsbezirk vum Texàs gsìì. Àb 1858 hàt’r zamma mìt’m Ànwàlt Alexander Pope z’ Marshall gschàfft. Wahrem Sezässioonskriag hàt’r ìm 7. Infàntrii-Regimant vum Texas ìm Heer vu da Konfederiarta Schtààta bediant. Ìm Hornung 1862 ìsch’r z’ Fort Donelson gfànga gnumma un hàt niina Moneta-n-ìm Camp Douglas ìm Illinois verbràcht. Ar ìsch àwwer ànna 1863 befräit worra un hàt àn dr Schlàcht àm Chickamauga mìtgmàcht. Ànna 1866 hàt’r uff Galveston gwàndelt, wu-n-’r ànna 1871 zamma mìt’m Charles Cleveland a Ànwàltsbüroo grìnda hàt. Ìm Joohr 1867 ìsch’r àls Rìchter ìm oowerschta Gìrcht vum Texàs ärnännt worra. Trotzdam hàt’r uff Druck vum Militäärbefahlshààwer vu da Unioonstruppa müassa fàraloo; siina Ärnännung àls Rìchter säjg a „Hìnderniss zem Wìederuffbàui“ vum Texàs gsìì.

Ìn Politik ìsch dr Willie Mìtglìed vu dr Demokrààtischa Pàrtäi gsìì. Àn da Kongrasswàhla vum Joohr 1872 ìsch’r ìm säckschta Wàhlbezirk vum Texàs ìns àmerikànischa Represantàntahüüs gwählt worra. Daa Wàhlbezirk ìsch grààd ärschtällt worra gsìì. Ìm Hüüs z’ Washington, D.C. ìsch dr Willie àb’m 4. März 1873 gsìì. Ànna 1874 hàt’r sìch nìt fìr a Wìederwàhl uffgschtällt. Ar ìsch àlso bis àm 3. März 1875 ìm Kongrass blìewa.

Noh-n-em And vu siinera Àmtszitt ìm Represantàntahüüs hàt dr Willie witter àls Ànwàlt ìm Texàs gschàfft. Ànna 1875 un 1876 ìsch’r Schtàdtànwàlt vu Galveston gsìì. Vun 1882 bis 1888 ìsch’r vorsìtzender Rìchter vum Oowerschta Grìcht vum Texàs gsìì. Ar hàt mehrera Urtailer gaa, wo-n-ìm Texàs àls Grundsàtzurtailer galta. Doo druff ìsch’r nochamol Rachtsànwàlt gsìì. Dr Asa Willie ìsch àm 16. März 1899 z’ Galveston gschtoorwa. Beardigt worra-n-ìsch’r ìm Trinity Episcopal Cemetery z’ Galveston.

Àm 20. Oktoower 1859 hàt dr Willie d’ Bettie Johnson üss Bolivar ìm Tennessee ghiirootet ghàà. Zamma hann sa zehn Kìnder ghàà, àwwer fìmf sìnn ìn ìhra Kìnderjoohra gschtoorwa. Dr Willie ìsch Sklààvahàlter gsìì.

Lìteràtüür

• Thomas W. Cutrer: Willie, Asa Hoxie. In: The Handbook of Texas Online. Texas State Historical Association (amerikanisches Englisch, tshaonline.org [abgerufen am 25. Mai 2022]). 
• Willie, Asa Hoxie. In: Biographical Encyclopedia of Texas. Southern Publishing Company, 1880, ISBN 978-3-8496-7393-2, S. 105 (amerikanisches Englisch). 
• Asa Hoxie Willie. In: Ben R. Guttery (Hrsg.): Representing Texas. S. 158 (amerikanisches Englisch, google.fr [abgerufen am 25. Mai 2022]). 
• A. H. Willie. In: James Daniel Lynch (Hrsg.): The Bench and Bar of Texas. Nixon-Jones Printing Company, 1885, S. 295–301 (englisch, google.fr [abgerufen am 25. Mai 2022]). 
• Willie, Asa Hoxie (1829-1899). In: The Political Graveyard. (englisch, politicalgraveyard.com [abgerufen am 25. Mai 2022]). 
• Asa Hoxie Willie. In: James Burke, Jr. (Hrsg.): Burke's Texas Almanac And Immigrant's Hand Book for 1879. 1883, S. 57–58 (amerikanisches Englisch, google.fr [abgerufen am 25. Mai 2022]). 

Weblìnks

 Commons: Asa Hoxie Willie – Sammlig vo Multimediadateie

• Asa H. Willie im Biographical Directory of the United States Congress
• Asa H. Willie in dr Datebank vu Find a Grave