William Thomas Clark

Dr William Thomas Clark (* 29. Jüüni 1831 z’ Norwalk, Connecticut; † 12. Oktoower 1905 z’ Nöi York) ìsch a àmerikànischer Offiziar un Politiker gsìì. Vu 1870 bis 1872 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

William Thomas Clark

Dialäkt: Mìlhüüserdiitsch

sii Laawa un Kàrriar

Dr William Thomas Clark ìsch ànna 1831 z’ Norwalk ìm Süüdwäschta vum Bundesschtààt Connecticut uff d’ Walt kumma. Ar ìsch dr Suhn gsìì vum Levi Clark un siinera Ehafràui Fanny. Wu-n-’r 13 Joohra-n-àlt gsìì-n-ìsch, hàt’r d’ Schüal müassa fàralooh, dänn d’ Fàmìlia-n-ìsch züa àrm gsìì. S’ nootwandiga Wìssa hàt’r àwwer salbscht allai witter glehrt. Drnooh ìsch’r ànna 1846 Lehrer ìn siinera Haimetschtàdt gsìì. Ar hàt doo druff z’ Nöi York Racht gschtudiart un ìsch ànna 1855 àls Rachtsànwàlt züagloo worra. Àls Ànwàlt hàt’r z’äärscht z’ Davenport ìm Iowa gschàfft. Wahrem Sezessioonskriag hàt’r ìm Heer vu dr Union diant, wu-n-’r Bröwätt-Generààlmajor vu da Fräiwìlliga worra-n-ìsch. Àm Ààfàng vum Kriag hàt’r s’ 13. Infàntrii-Regimant vum Iowa grìnda ghàà. Noh-n-em Kriag hàt’r sìch z’ Galveston ìm Texàs nììdergloo, wu-n-’r ìm Bànksäktoor gschàfft hàt.

Ìn Politik ìsch dr Clark Mìtglìed gsìì-n-ìn dr Repüblikàànischa Pàrtäi. Nohdam àss s’ Texàs nochamol a Bundesschtààt vu dr Union worra-n-ìsch, ìsch’r därt ìm drìtta Wàhlbezirk ìns àmerikànischa Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 31. März 1870 gsìì. Ànna 1870 ìsch’r wìedergwählt worra; siina näija-n-Àmtszitt hàt àm 4. März 1871 ààgfànga. Sii Geegakàndidààt De Witt Clinton Giddings hàt jedoch noh-n-em Resültààt vu dr Wààhl a Iinaschpruchnààhma vor Pàrlàmant üüssgsajt, dänn dr repüblikàànischa Gouverneur vum Texàs Edmund J. Davis hàt s’ Wàhlärgaabniss verfälscht ghàà, fìr àss dr Clark ìm Represantàntahüüs blibbt. S’ Pàrlàmant hàt s’ Wààhlärgaabniss ruckgàngig gmàcht, àlso hàt dr Clark àm 13. Mai 1872 sii Sìtz müassa fàraloo un ìsch vum Giddings ärsätzt worra.

Vu 1872 bis 1874 ìsch dr Clark Poschthàlter z’ Galveston gsìì. Vu 1876 bis 1883 hàt’r àn mehrera Schtälla bii dr àmerikànischa Bundesregiarung z’ Washington, D.C. gschàfft. Z’lätscht ìsch’r Àbtailungslaiter vu da Schtiirbeheerda gsìì. Ànna 1883 hàt’r uff Fargo-n-ìm Dakota-Territoorium gwàndelt, wu-n-’r Rachtsànwàlt gsìì-n-ìsch. Därt ìsch’r àui Mìtüüssgaawer vun’ra Zittung gsìì. Vu 1890 bis 1898 hàt’r z’ Denver ìm Colorado glabt, wu-n-’r eewafàlls Rachtsànwàlt gsìì-n-ìsch. Drnooh ìsch’r ìn dr Bundeshàuiptschtàdt Washington, D.C. z’ruckkumma, wu-n-’r bis züa siim Tood fìr d’ Schtiirbeheerda gschàfft hàt. Gschtoorwa-n-ìsch dr Clark àm 12. Oktoower 1905 z’ Nöi York. Ar ìsch uff’m Nàzionààlfrììdhoof vun Arlington ìm Virginia beardigt worra.

Ànna 1856 hàt dr Clark z’ Nöi York d’ Laura Clark üss Hartford (Connecticut) ghiiroota ghàà.

Lìteràtüür

• Clark, William Thomas. In: The Oxford Essential Dictionary of the U.S. Military. Oxford University Press, 2002, ISBN 978-0-19-989158-0 (englisch, oxfordreference.com [abgerufen am 21. Juni 2022]). 
• Thomas W. Cutrer: Clark, William Thomas. In: Handbook of Texas Online. Texas State Historical Association, 1976 (amerikanisches Englisch, tshaonline.org [abgerufen am 21. Juni 2022]). 
• William Thomas Clark. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 42 (amerikanisches Englisch). 

Weblìnks

 Commons: William Thomas Clark – Sammlig vo Multimediadateie

• William Thomas Clark im Biographical Directory of the United States Congress
• William Thomas Clark in dr Datebank vu Find a Grave

Dä Artikel basiert uff ere fräie Übersetzig vu dere Version vum Artikel „William_Thomas_Clark“ vu de dütsche Wikipedia. E Liste vu de Autore un Versione isch do z finde.