Daniel E. Garrett
| Dialäkt: Mìlhüüserisch |
Dr Daniel Edward Garrett (* 28. Àwrìl 1869 bii Springfield, Tennessee; † 13. Dezamber 1932 z’ Washington, D.C.) ìsch a àmerikànischer Jurischt un Politiker vu dr Demokràtischa Pàrtäi gsìì. Vu 1913 bis 1932 hàt’r mehrmols dr Bundesschtààt Texas ìm Represantàntahüss vu da Verainigta Schtààta vertratta.
sii Laawa ändere
Dr Daniel Garrett ìsch ànna 1869 bii Springfield, ìm Robertson County ìm Bundesschtààt Tennessee-n-uff d’ Walt kumma, àls Suhn vum Edward C. un vu dr Susan Olive Garrett geborena Haddox. Ar ìsch ìn d’ äffentliga Schüala vu siinera Haimet gànga. Ar hàt drnooh Racht gschtudiart un ìsch ànna 1893 àls Rachtsànwàlt züaglooh worra. Àls Ànwàlt hàt’r z’äärscht ìn Springfield gschàfft. Gliichzittig hàt’r siina politischa Kàrriar ààgfànga, àls Mìtglìed vu dr Demokràtischa Pàrtäi. Vu 1892 bis 1896 ìsch’r Àbgoordneter ìm Represantàntahüss vum Tennessee gsìì. Drzüa ìsch’r vu 1902 bis 1905 Mìtglìed vum Schtààtssenàt gsìì. Ìm Joohr 1905 ìsch’r uff Houston ìm Texas gwàndelt, wu-n-’r àls Ànwàlt gschàfft hàt.
Bii da Kongrasswàhla vu 1912 ìsch dr Garrett àls àmerikànischer Represantànt gwählt worra, ìm 17. Wàhlbezirk vum Texas, wo ma grààd ärschtällt ghàà hàt. Ìm Represantàntahüss ìsch’r àb’m 4. März 1913 gsassa. Ìm Joohr 1914 hàt ma-n-ìhn nìtt bschdaatigt, àlso hàt’r àm 3. März 1915 dr Kongrass müassa fàralooh. Drnooh hàt’r nochamol àls Ànwàlt gschàfft. Zwai Joohra schpeeter ìsch dr Garrett nochamol àls Represantànt vum 17. Wàhlbezirk vum Texas gwählt worra. Desmol ìsch’r àb’m 4. März 1917 ìm James Harvey Davis sii Noohfolger ìm Kongrass gsìì. Ìm Joohr 1918 hàt àwwer dr Garrett àn dr Kongrasswàhl nìt mìtgmàcht. Wagadam ìsch’r bis’m 3. März 1919 fìr aina Àmtszitt ìm Represantàntahüss blìewa; wahrend dara Àmtszitt ìsch dr Äärschta Waltkriag gsìì.
Bii da Wàhla vu 1920 ìsch dr Garrett a drìtter Mol ìn dr Kongrass gwählt worra, desmol ìm 8. Bezirk vum Texas. Ìm Kongrass hàt’r àb’m 4. März 1921 em Joe H. Eagle noohgfolgt. Ar ìsch fìmfa Mol wìdergwählt worra un ìsch àlso bis züa sim Tood àm 13. Dezamber 1932 ìm Kongrass blìewa. Noh sim Tood hàt a Sunderwàhl schtàttgfunda, wu dr Joe Eagle nochamol gwählt worra-n-ìsch.
Obwohl dr Garrett ìn dr àmerikànischa Hàuiptschtàdt Washington, D.C. gschtoorwa-n-ìsch, hàt ma-n-ìhn uff’m Forest Hill-Frìedhoof z’ Houston beardigt.
Dr Liberty-Schìff USS Daniel E. Garrett, wo ma noh-n-ìhm bnännt hàt, hàt ma-n-ìm Zwaita Waltkriag iigsätzt.[1]
Lìteràtüür ändere
- Garrett, Daniel Edward. In: Handbook of Texas. Texas State Historical Association, 14. Februar 2017 (englisch, tshaonline.org [abgerufen am 19. September 2021]).
Weblinks ändere
- Daniel E. Garrett im Biographical Directory of the United States Congress
- Daniel E. Garrett in dr Datebank vu Find a Grave
Ainzelnohwiisa ändere
- ↑ Daniel E. Garrett. In: Vessel History. United States Maritime Administration, abgruefen am 19. September 2021 (änglisch).
|
Dä Artikel basiert uff ere fräie Übersetzig vu dere Version vum Artikel „Daniel_E._Garrett“ vu de dütsche Wikipedia. E Liste vu de Autore un Versione isch do z finde. |