Rufus Hardy

Dialäkt: Mìlhüüserdiitsch

Dr Rufus Hardy (* 16. Dezamber 1855 bii Aberdeen, Monroe County, Mississippi; † 13. März 1943 z’ Corsicana, Texàs) ìsch a US-àmerikànischer Politiker gsìì. Vu 1907 bis 1923 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Dr Rufus Hardy

sii Laawa un Kàrriar

Dr Rufus Hardy ìsch ànna 1855 ìm Monroe County ìm Nordoschta vum Bundesschtààt Mississippi uff d’ Walt kumma. Ar ìsch dr Suhn gsìì vum George Washington Hardy un vu dr Pauline J. Hardy geboorana Wittaker. Ànna 1861 ìsch d’ Fàmìlia ìn a Büürahoof bii Millican ìm Texàs gànga ge laawa. Dr Rufus ìsch ìn prìwààta Schüala-n-ìm Mississippi un Texàs gànga. Ar hàt d’rnooh Racht àn dr Üniwärsiteet vu Georgia z’ Athens gschtudiart un ìsch ànna 1875 àls Rachtsànwàlt züagloo worra. Àls Ànwàlt hàt’r z’äärzscht z’ Navasota ìm Texàs gschàfft. D’rnooh ìsch’r bis 1888 Schtààtsànwàlt ìm 13. Grìchtsbezirk vum Texàs gsìì. Vu 1888 bis 1896 ìsch’r àls Bezirksrìchter taatig gsìì. Doo druff hàt’r àls prìwààter Rachtsànwàlt gschàfft. Gliichzittig hàt’r siina politischa Kàrriar ààgfànga, àls Mìtglììd vu dr Demokrààtischa Pàrtäi.

Bii da Kongrasswàhla vum Joohr 1906 ìsch dr Hardy ìm säckschta Wàhlbezirk vum Texàs ìns US-Represantàntahüüs gwählt worra. Ìm Hüüs z’ Washington, D.C. ìsch’r àb’m März 1907 gsìì, àls Noohfolger vum Scott Field. Ar ìsch sììwa mol wììdergwählt worra un ìsch àlso bis àm 4. März 1923 ìm Kongrass blììwa. Àn dara Zitt ìsch dr Äärschta Waltkriag gsìì. Üsserdam hàt maa ìn da Joohra 1913 bis 1920 dr 16., dr 17., dr 18. un dr 19. Verfàssungszüasàtz ràtifiziart. Vu 1911 bis 1919 ìsch dr Hardy Vorsìtzend’r gsìì vum Üssschuss fìr d’ Kontrolla vu da Üssgààwa vum Màriinaminìschterium.

Ànna 1922 hàt sìch nìt dr Rufus Hardy fìr a Wììderwàhl uffgschtällt. Noh-n-em And vu siinera Zitt ìm US-Represantàntahüüs hàt’r wììder àls Ànwàlt gschàfft. Ar ìsch àm 13. März 1943 z’ Corsicana ìm Texàs gschtoorwa un ìsch doo uff’m Oakwood-Frììdhoof beardigt worra.

Dr Hardy hàt ìm Hornung 1881 d’ Felicia E. Peck ghiiroota ghàà. Mìt ìhra hàt’r sììwa Kìnder ghàà. Dr Rufus ìsch Mìtglììd gsìì ìn dr Epischkopààla Kìrìch vu da Verainigta Schtààta, un àui ìn da Ghaimbund Elks un Knights of Pythias.

Lìteràtüür

• Chandler A. Robinson: Hardy, Rufus. In: Handbook of Texas. Texas State Historical Association (amerikanisches Englisch, tshaonline.org [abgerufen am 15. Februar 2023]). 
• Rufus Hardy. In: Representing Texas. CreateSpace Independent Publishing Platform, 2007, ISBN 1-4196-7884-1, S. 77–78 (amerikanisches Englisch, google.de [abgerufen am 15. Februar 2023]). 
• Rufus Hardy. In: John Henry Brown (Hrsg.): Indian Wars and Pioneers of Texas. L.E. Daniell, 1988, ISBN 3-8496-7445-2, S. 603 u. ff. (amerikanisches Englisch, google.de [abgerufen am 15. Februar 2023]). 

Weblìnks

 Commons: Rufus Hardy – Sammlig vo Multimediadateie

• Rufus Hardy im Biographical Directory of the United States Congress
• Rufus Hardy in dr Datebank vu Find a Grave

Dä Artikel basiert uff ere fräie Übersetzig vu dere Version vum Artikel „Rufus_Hardy“ vu de hochdütsche Wikipedia. E Liste vu de Autore un Versione isch do z finde.