John Hall Stephens
| Dialäkt: Mìlhüüserisch |
Dr John Hall Stephens (* 22. Nowamber 1847 ìm Shelby County, Texas; † 18. Nowamber 1924 z’ Monrovia, Kàlifornia) ìsch a àmerikànischer Rachtsànwàlt un Politiker gsìì. Vu 1897 bis 1917 hàt’r dr Bundesschtààt Texas ìm Represantàntahüüs vu da Verainigta Schtààta vertratta.
sii Laawa un Kàrriar
ändereDr John Stephens ìsch ànna 1847 ìm Shelby County ìm Oschta vum Texas uff d’ Walt kumma. Ar ìsch ìn d’ äffentliga Schüala vu Mansfield gànga, so wia ìns Mansfield College ìm Tarrant County. Ar hàt drnooh Racht àn dr Cumberland-Üniwärsiteet z’ Lebanon ìm Tennessee gschtudiart, un ìsch ànna 1872 àls Rachtsànwàlt züaglooh worra. Àls Ànwàlt hàt’r àb 1873 z’ Montague ìm Texas gschàfft, un z’ Vernon àb 1889. Gliichzittlig hàt’r siina politischa Kàrriar ààgfànga, àls Mìtglìed vu dr Demokràtischa Pàrtäi. Vu 1889 bis 1893 ìsch’r Mìtglìed ìm Senàt vum Texas gsìì.
Àn da Kongrasswàhla vu 1896 ìsch dr Stephens ìm 13. Wàhlbezirk vum Texas ìns àmerikànischa Represantàntahüüs z’ Washington, D.C. gwählt worra, wu-n-’r àb’m 4. März 1897 àls Noohfolger vum Jeremiah V. Cockrell gsìì-n-ìsch. Ar ìsch niinamol wìedergwählt worra un ìsch àlso bis àm 3. März 1917 ìm Kongrass blìewa. Àb 1911 ìsch’r Vorsìtzender vum Ìndiànerüssschuss gsìì. Wu-n-’r Kongrassàbgoordneter gsìì-n-ìsch, ìsch dr Schpànisch-Àmerikànischa Kriag vu 1898 gsìì. Ìm Joohr 1913 hàt dr Kongrass dr 16. un dr 17. Verfàssungszüasàtz ràtifiziart.
Ìm Joohr 1916 ìsch dr John Stephens nìt vu siinera Pàrtäi fìr a Wìederwàhl nominiart worra. Noh-n-em And vu siinera Zitt ìm Kongrass hàt’r uff Monrovia ìm Kàlifornia gwàndelt, wu-n-’r siina lätschta Laawesjoohra verbràcht hàt. Doo ìsch’r àm 18. Nowamber 1924 gschtoorwa. Beardigt worra-n-ìsch’r uff’m East View-Frìedhoof z’ Vernon ìm Texas.
Dr John Stephens ìsch Fräimüürer un Mìtglìed ìn dr Presbyteriànischa Kìrch vu Cumberland gsìì. Ànna 1873 hàt’r d’ Annie Chrisman vu Mansfield ghiiroota ghàà. Mìt ìhr hàt’r sewana Kìnder ghàà. D’ Annie ìsch ànna 1906 gschtoorwa, un dr Stephens hàt ànna 1911 d’ Lizette Bristow Keenan üss Portland ìm Oregon ghiiroota.[1]
S’ Stephens County ìm Oklahoma ìsch noh-n-ìhm gnännt.[2]
Lìteràtüür
ändere- Stephens, John Hall. In: The Handbook of Texas Online. Texas State Historical Association, 1952 (englisch, tshaonline.org [abgerufen am 9. April 2022]).
- John Hall Stephens. In: Lewis E. Daniell (Hrsg.): Personnel of the Texas State Government: With Sketches of Representative Men of Texas. Maverick Print. House, 1892, S. 218–220 (englisch, google.de [abgerufen am 9. April 2022]).
Weblinks
ändere- John Hall Stephens im Biographical Directory of the United States Congress
- Dr John Hall Stephens ìn dr Legislative Reference Library of Texas (anglisch)
- John Hall Stephens in dr Datebank vu Find a Grave
Ainzelnohwiisa
ändere- ↑ Gordon Byron Woolley: John Bristow of Middlesex County, Virginia and Descendants Through Ten Generations. Vantage Press, 1969, S. 115 (englisch).
- ↑ Joseph Nathan Kane, Charles Curry Aiken (Hrsg.): The American Counties: Origins of County Names, Dates of Creation, and Population Data, 1950-2000. Scarecrow Press, 2005, ISBN 978-0-8108-5036-1, S. 284 (englisch).
