Robert Balthasar Christ

Dr Robert Balthasar Christ (* 10. Februar 1904 z Baasel; † 14. Mai 1982 z Baasel, reformiert, Bürger vo Baasel), won e Schwizer Schurnalist und Schriftsteller gsi isch. Syni Psöidonüüm sind Fridolin und Glopfgaischt.

Lääbe

Dr Robert Balthasar Christ isch am 10. Februar 1904 z Baasel as Soon vom Textilkaufmaa Johann Rudolf Christ uf d Wält choo. Er het dr Bruef vom ene Textilkaufmaa gleert und 1935 under em Psöidonüüm Fridolin Zitigsbricht über Autirenne afo schriibe. 1940 het er si Bruef ufgee und isch Schurnalist worde.

Vom Joor 1947 aa het er as Glopfgaischt Sproochglosse und as Fridolin Gschichtli afo schriibe und e Wörterbuech, wo noch Sachgebiet aagordnet gsi isch. As Kritiker, Föitonist und Radiomitarbäiter, isch er e Pionier vo Quiz-Sändige uf Dütsch gsi, und isch nid nume in dr Schwiz, sondern au z Dütschland seer bekannt worde.

Dr Robert Balthasar Christ het 1938 d Ruth, d Dochder vom Philipp Arnold Kälin, ghürootet. Er isch am 14. Mai 1982, drei Mööned noch sim 78. Geburtsdaag z Baasel gstorbe. Er isch uf em Wolfgottesacker begraabe.

E baar vo sine Wärk

Die milde Lupe, 1949
Die Sonnenuhr, 1951
E Baseldytsch-Sammlig, 1947, 3. Aufl. 1974

Liddratuur

Karin Marti-Weissenbach: Christ, Robert Balthasar. In: Historisches Lexikon vo dr Schwiiz.
Staatsarchiv Basel: Nachlass.
Basler Nachrichten vom 3., 5., 9. und 12. Januar 1973.
Rudolf Suter: Zum Geleit, in: Basler Journalisten, 1983, S. 5–9.

Weblingg

Publikatione vo und über Robert Balthasar Christ im Katalog Helveticat vo der Schwiizerische Nationalbibliothek
Literatur vu un iber Robert Balthasar Christ im Katalog vu dr Dütsche Nazionalbibliothek
Robert Balthasar Christ im Personenlexikon des Kantons Basel-Landschaft

Dä Artikel basiert uff ere fräie Übersetzig vu dere Version vum Artikel „Robert_Balthasar_Christ“ vu de tüütsche Wikipedia. E Liste vu de Autore un Versione isch do z finde.