Robert Stäger
Dr Robert Stäger (* 19. Juni 1902 z Vilmärge; † 27. Jänner 1981 z Muri) isch e Mundartdichter us em Aargau gsi.
Dr Stäger isch us em Freiamt cho. Er isch Lehrer a dr Bezirksschuel z Woole gsi und het Gschichte us em Läbe z Vilmärge und im Freiamt gschribe. Und er isch au mit Radiosändige bekant worde. Im Gedicht De Hööchscht im Doorf lueget dr Güggel vom Chiledurm oben abe und seit, was er gseht. Dr Autor het sech zimli konsekwänt a d Gwoonete vo dr Dieth-Schrybig ghalte.
Es Stück vom Stäger isch bim Schwiizer Fonogrammarchyv z Züri als Bischpiil füre Tieläkt vom Freiamt ufgnoo worde.
Wärch
ändere- Be eus, im Dorf. Zwölf Monetsbildli uf Freiämtertüütsch, Aarau 1945
- De Hööchscht im Doorf. Freiämtertüütschi Gedicht, Suurländer, Aarau 1966
- Schnitz und Hördöpfel. E paar Gedicht uf Freiämterdütsch, 1971
- Freiämter-Stubete, 1946
- Wohle früener und hütt, 1962
- Dr Unkel Emanuel und anderi Lüüt us syner Wält, 1952
- D Familie Tschätter, 1993
Literatur
ändere- Carmen Furger: Stäger, Robert. In: Historisches Lexikon vo dr Schwiiz.
- J. M. Bächtold: Robert Stäger. In: Heimatschutz, 62, 1967, S. 32.