Rosa Grünstein

dytschi Bolitikeri
Dialäkt: Undermarkgreflerisch

D Rosa Grünstein (* 24. Augschte 1948 z Berlin) isch e dytschi Bolitikeri (SPD). Vu 2000 bis 2016 isch si Mitglid im Landdag vu Bade-Wirttebärg gsii.

Uusbildig un Beruef ändere

D Grünstein isch z Berlin uf di Evangelisch Schuel Charlottenburg un derno uf di Technisch Oberschuel gange. Am neispraochlige Maidligimnasium z Weiden in der Oberpfalz het si s Abitur gmacht. Si het as Sachbearbaiteri bim Arbetsamt z Schwandorf gschafft un speter as Schefsekreteeri an dr Tächnische Universitet Kaiserslautern im Fachberaich Biology bim Heinrich Kauss. Ab 1985 het si as sälbschtständigi Immobiliechauffrau gschafft.

Bolitik ändere

D Rosa Grünstein isch syter anne 1970 Mitglid vu dr SPD. Vu 1979 bis 1983 isch si z Dransfeld, Nidersachse Stadt- un Samtgmaireeti sii. Vu 1989 bis 1998 isch si Vorsitzeri vu dr Arbeitsgmainschaft vu sozialdemokratische Fraue im Rhy-Necker-Chrais, vu 1994 bis 2003 stellverdrättendi Vorsitzeri vu dr SPD Rhy-Necker un vu 1999 bis 2001 Mitglid vum SPD-Landesvorstand Bade-Wirttebärg gsii.

Anne 2000 isch d Grünstein fir dr Karl-Peter Wettstein in Landdag vu Bade-Wirttebärg noogruckt. Bi dr Landdagswahle 2001, 2006 un 2011 isch si iber e Zwaitmandat im Wahlchrais 40 (Schwetzinge) wider in Landdag gwehlt wore. Vu 2000 bis 2011 isch si Mitglid im Petitionsuusschuss un im Umwältuusschuss gsii. Im Mai 2011 isch si zue dr stellverdrättende Fraktionsvorsitzeri gwehlt wore. Si isch Sprächeri vu ihre Bartei fir Uusländer-, Migrations- un Integrationsbolitik gsii. Zue dr Landdagswahl 2016 isch si nimi aadrätte.

Sunschtigs Engaschmänt ändere

  • Vorstandsmitglid bi dr Carlo-Schmid-Stiftig
  • Grindigs- un Vorstandsmitglid bi dr Dytsch-Israelische Gsellschaft Pfalz, Speyer.

Familie un Privats ändere

D Rosa Grünstein isch evangelisch un läbt z Altlosse. S isch verwitwet un het e Suhn un e Dochter. Ihre Mann Gerhard Greiner isch Burgermaischter vu Nailosse gsii.

Mit ihrem verstorbene Mann het si dr „Kulturtreff Alter Bahnhof“ z Nailosse grindet. Si macht Lääsige un „Buch-T-ripp“ un singt Couples in Berliner Dialäkt. Syter 1998 duet si as Dozänti an Volkshochschuele unterrichte.

Literatur ändere

  • Ina Hochreuther: Frauen im Parlament. Süddeutsche Parlamentarierinnen von 1919 bis heute, Stuttgart 2012 ISBN 3-92 3476-15-9, S. 172ff.

Weblink ändere

  Commons: Rosa Grünstein – Sammlig vo Multimediadateie