Bäckergàss (Mìlhüüsa)

D’ Bäckergàss (offiziäll ìm zwaischproochiga Schtroossaschìld Bäckergass; uff Frànzeesch rue des Boulangers [ʁy de bulɑ̃ʒe](info))^[1] ìsch a Gschaftsschtrooss ìm Schtàdtzäntrum vu Mìlhüüsa.

Dialäkt: Mìlhüüserdiitsch

wu sa lììgt

D’ Bäckergàss làuift uff äbba 145 Meeter^[2] vu dr Triiwelgàss bis àn dr Südwäschtäcka vum Roothüüsplàtz, grààd vor’m Àpatheek Au Lys. Doo trìfft fàngt àui s’ Màrktgassla-n-àà. A pààr Meeter vor’m Roothüüsplàtz trìfft d’ Bäckergàss d’ Metzgergàss uff dr Nordsitta.

Gschìchta

Schuu-n-ìm Joohr 1332 ìsch dia Schtrooss unter’m làtiinischa Nàmma Vicus pistorum schrìftlig ärwäähnt worra — pistor ìsch s’ làtiinischa Wort fìr „Bäck“. Ànna 1342 ìsch sa uff Diitsch Brotbecken Gasse gnännt worra. Ànna 1797 ìsch sa unter’m Nàmma Becken Gasse bekànnt gsìì. Ìn siim Schtroossaverzaichniss vum Joohr 1815 hàt dr Mathieu Mieg ìn dr Schtrooss zwai Nàmma gaa: Beckergasse uff Diitsch un rue des Boulangers uff Frànzeesch — ’s ìsch d’ wärtliga-n-Ìwwersätzung vu „Bäckergàss“. Ìhr Nàmma-n-uff Frànzeesch hàt d’ Schtrooss offiziäll dur a Verordnung vum Mìlhüüser Gmaindaroot àm 11. Nowamber 1843 bikumma. Ìn dr Zitt vum Raichslànd Elsàss-Lothrìnga hàt sa bis 1919 Bäckerstrasse ghaissa. Ìn dr Zitt vum Drìtta Raich hàt sa àb’m 16. Àuigscht 1940 eewafàlls daa Nàmma trajt, àwwer àm 27. Septamber 1941 ìsch sa ìn Bäcker Gasse umtaift worra. Noh dr Befräijung vu Mìlhüüsa-n-àm Andsjoohr 1944 ìsch dr frànzeescha Nàmma wììder z’ruckkumma.

D’ Schtrooss haisst asoo, wial sìch d’ Zunftschtuuwa vu da Bäcker naawa dia vu da Metzger bfunda hàt, àm Äcka vu dr Metzgergàss.

Àm 8. Nowamber 1975 ìsch d’ Bäckergàss àls äärschta Schtrooss ìm Mìlhüüser Schtàdtzäntrum ìn a Füassgangerzoona umgwàndelt worra.

Lìteràtüür

Rue des Boulangers. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 86 (französisch, Erstausgabe: 2007).

Weblìnks

Commons: Bäckergàss (Mìlhüüsa) – Sammlig vo Multimediadateie

Ainzelnoohwiisa

↑ Boulangers (rue des) / Bäckergass. In: Zweisprochiga Strossaschìlder ìn Mìlhüsa. 23. August 2016, archiviert vom Original am 30. November 2022; abgruefen am 21. März 2023 (französisch).
↑ Gmässt mìt’m Google Maps

47.74677.33675Koordinate: 47° 44′ 48,1″ N, 7° 20′ 12,3″ O

[1] Boulangers (rue des) / Bäckergass. In: Zweisprochiga Strossaschìlder ìn Mìlhüsa. 23. August 2016, archiviert vom Original am 30. November 2022; abgruefen am 21. März 2023 (französisch).

[2] Gmässt mìt’m Google Maps

[1]

[2]