Sagliano Micca
Sagliano Micca isch en iteliäneschi Gmeind i dr Provinz Biella.
Es isch e Gmeind im Piemont. Es git se erscht sid 1699 als eigeni Gmeind. Dr erscht Deil vom Ortsname chunt vom latynische Personename Sallius und dr zwöit Deil het d Gmeind zu Erinnerig an Pietro Micca übercho, wo als savoyische Held im Abwehrkampf gäge d Franzose ane 1706 s Läbe glo het. S Huus, wo dr Pietro Micca drin ufgwachsen isch, gilt als Sehenswürdikeit vo dr iteliänische Gschicht; au dr Giuseppe Garibaldi het’s psuecht. Im Dorf stoot derzue au es Dänkmol füre Freiheitsheld.
D Nochbergmeinde vo Sagliano Micca sind Andorno Micca, Biella, Fontainemore, Gaby, Issime, Miagliano, Piedicavallo, Pralungo, Quittengo, Rosazza, San Paolo Cervo, Tavigliano, Tollegno und Veglio.
S Gmeindgebiet het e Flechi vo öpe 14 Kwadratkilometeer. Dur D Gmeind flüsst dr Bach Cervo.