Salomon-Insle

Dä Artikel bschrybt d Gruppe vu dr Salomon-Insle. Zum Staat Salomone lueg Salomone, zum Atoll im Chagos-Archipel lueg Salomon Islands.

D Salomon-Insle sin e Inselgruppe im Sidoschte vu Neiginea z Melanesie im Weschtpazifik. Vor dr Grindig vum unabhängige Inselstaat Salomone isch di ganz Inselgruppe au zum Dail „Salomone“ gnännt wore.

Salomon-Inseln
Salomone Salomone
Gwässer	Pazifik
Geografischi Lag	8° 0′ S, 159° 0′ O-8159
Salomon-Inseln (Salomonen) Salomon-Inseln
Zahl vo de Insle	1000
Gsamtflechi	38,196 km²

Geografi

D Salomon-Insle gehen vu Nord no Sidoscht iber rund 1.100 Kilometer (5° Sid, 154° Oscht bis 11° Sid, 162 Oscht). Di nerdlige Insle liege 720 Kilometer eschtlig vu Neiginea, di sidlige rund 600 Kilometer nerdlig vu dr Hauptinsle vu Vanuatu.

Bolitisch bilde di nerdlige Salomon-Insle hite di Autonom Provinz Bougainville z Papua-Neiginea, di sidlige Insle dr sälbständig Inselstaat vu dr Salomone.

Gschicht

Dr erscht Europäer, wu zue dr Salomon-Insle chuu isch, isch dr spanisch Seefahrer Alvaro de Mendaña de Neyra anne 1568 gsii. Är het die Inselgruppe noch em jidische Chenig Salomo gnännt, wel er do großi Mängine Gold vermuetet het.

Im Johr 1767 isch dr britisch Seefahrer Philipp Carteret zue dr Salomon-Insle chuu. D Brite hän d Insle anne 1883 in Bsitz gnuu as Reaktion uf di dytsche Expansionsbsträbige in dr Region. Mit em Abschluss vum Samoa-Vertrag vum 14. Novämber 1899 z Berlin isch d Gränz zwische dr baide Inträssebiet im Oschte vu dr Insle Buka un Bougainville zoge wore, wu hite zue Papua-Neiginea ghere.

Im Zweete Wältchrieg sin d Salomon-Insle vu dr dr Japaner bsetzt wore un sin derno in bluetige Kämpf vu dr Alliierte eroberet wore.

Syt 1975 ghere di nerdlige Insle zum unabhängige Staat Papua-Neiginea, di sidlige Insle sin am 7. Juli 1978 as aigeständige Staat unabhängig wore.

Dä Artikel basiert uff ere fräie Übersetzig vu dere Version vum Artikel „Salomon-Inseln“ vu de dütsche Wikipedia. E Liste vu de Autore un Versione isch do z finde.