Samarie

Samarie (lat./ängl. Samaria) bezäichnet im Wääsentlige dr nördlig Däil vom hütige Westjordanland (s Gebiet vo Nablus). Es isch e Bärgregion zwüsche Galiläa witer im Norde und Judäa im Süüde. Samarie häisst uf Nöihebräisch Schomron שומרון, arabisch ألسامرة‎ as-Sāmara und isch au as Dschibal Nablus / جبال نابلس‎ / Ǧibāl Nābulus bekannt; griechisch heissts Samaria Σαμαρεία).

Landschaft in Samarie

S biiblische Samarie

S biblische Land Samarie isch entstande, wo sich die zää nördlige Stämm vo Israel vom Köönigshuus David 926 v. d. Z. drennt häi. Dr Omri, wo öbbe 885−874 v. d. Z. Köönig vom Nordriich gsi isch, het d Stadt Samaria as Hauptstadt vom Nordriich usbaut. Wägen sinere sünkretistische Religionspolitik wird er in dr Biible stark kritisiert. Nume e chliini Grubbe vo JHWH-Glöibige het dr Undergang vom Köönigriich überläbt.

Samarie hüt

Zuetrittsverbot vo den Israelische Strytchreft für israelische Bürger zumenen Oort z Samarie (2016)

Z Israel säged di konservativere Lüüt em bsetzte Weschtjordanland in ere Wideruufnaam vo alte biblische Landschaftsnäme hüt «Judäa und Samaria» (Jehuda ve Schomron). Si wänd daademit zäige, dass s Weschtjordanland alts jüdischs Territorium isch.

Weblingg

 Commons: Samarie – Sammlig vo Multimediadateie

Dä Artikel basiert uff ere fräie Übersetzig vum Artikel „Samarien“ vu de dütsche Wikipedia. E Liste vu de Autore un Versione isch do z finde.