Santiago Ramón y Cajal

Dr Santiago Felipe Ramón y Cajal (* 1. Mai 1852 z Petilla de Aragón in Navarra, Spanie; † 17. Oktober 1934^[1] z Madrid) isch e spanische Mediziner und Histoloog gsi, wo vor allem über d Fiinstrukture vom Närvesüsteem erforscht het, bsundrigs vom Hirni und vom Ruggemark. 1906 het er dr Nobelbriis für Füsiologii und Medizin übercho, zämme mit em italiänische Mediziner und Füsioloog Camillo Golgi.

Im Geegesatz zum Golgi het er aber dänggt, ass s Närvesüsteem us Milliarde vo äinzelne Nöiroone wurd bestoo und dass die Zälle polarisiert wurde. Anstatt vom e Netz, wie s dr Colgi gsee het, het dr Cajal vorgschlaage, ass d Nöiroone über spezielli Verbindige mitenander wurde kommuniziere. Für die Verbindige het 1897 dr Charles Scott Sherrington s Wort Sünapse brägt. Die Hüpotheese isch d Grundlaag vo dr Nöirooneleer, wo säit, ass die chlinsti Äihäit vom Närvesüstem s äinzelne Nöiroon isch. Spööter het mä mit Elektroonemikroskoop festgestellt, ass jedes Nöiroon vollständig von ere Zällmembraane iigschlosse isch.

Zäichnige vom Santiago Ramón y Cajal ändere

Zäichnig vo de nöironale Verbindige vom Hippocampus vom e Naager. Histologie du Systeme Nerveux de l’Homme et des Vertebretes, Vols. 1 and 2. A. Maloine. Bariis. 1911.
Zäichnig vo de Zälle vom e Cerebellum vom e Huen. Estructura de los centros nerviosos de las aves, Madrid, 1905.
Zäichnig vom Dach vom Middelhirni vom e Spatz. Estructura de los centros nerviosos de las aves, Madrid, 1905.
Zäichnig vo Purkinjezälle (A) und Körnerzälle (B) vom Cerebellum von ere Duube, 1899. Instituto Santiago Ramón y Cajal, Madrid, Spain.

Eerige ändere

Dr Mondkrater Cajal und dr Asteroid (117413) Ramonycajal häi si Naame bechoo
Museum Santiago Ramón y Cajal
D Archiiv vom Santiago Ramón y Cajal si vo dr UNESCO in d Liste vom Wältkulturerb ufgnoo worde under em Diddel "Archives of Santiago Ramón y Cajal and the Spanish Neurohistological School".^[2]

Publikazioone ändere

Estudios sobre la degeneración de sistema nervioso. 2 Bänd, Madrid 1913–1914.
Vacation Stories. Five Science Fiction Tales. Übersetzt vo dr Laura Otis. University of Illinois Press, 2001.
Advice for a Young Investigator. Übersetzt vo N. Swanson und L. W. Swanson. Bradford Book, MIT 1999.