Pfanestiili

Pfanestiili (Aegithalos caudatus)

Systematik

Ordnig:	Spatzevögel (Passeriformes)
Underordnig:	Singvögel (Passeri)
Familie:	Schwanzmaise (Aegithalidae)
Gattig:	Aegithalos
Art:	Pfanestiili

Wüsseschaftlige Name

Aegithalos caudatus

(Linnaeus, 1758)

S Pfanestiili (Aegithalos caudatus; alemanischi Näme) isch e Singvogel, wo zo de Schwanzmaise ghört. S Pfanestiili bliibt dor s ganze Joor i Mitteleuropa und chunnt i de Alpe bis 2100 müM vor.

Uussie

S Pfanstiili isch e schwarz-wiiss-bruune chliine Vogel mit eme ganz lange dünne schwarze Schwanz, wo e wiisse Rand het. Sis Schnäbeli degege isch munzig. De Chopf und de Buuch sind wiisslich. Mandli und Wiibli gsiend gliichig uus. Pfanestiili wered 13 bis 15 cm grooss, hend e Spannwiiti vo 16 bis 19 Gramm und wöget nume 7 bis 9 Gramm.

Lebeswiis

S Pfanestiili lebt i Laub- und Mischwälder mit vill Underholz, i Pärk, Gärte und Füechtpiet, aber au i Sidlige, wos vill Büsch het. Si flüüget vo Busch zo Busch und fresset Insekte, Chnospe und picket au a Frücht. S Pfanestiili cha mit aim Fuess amene Ästli hange. S Zwitschere vo de Pfanestiili isch ganz fii und liislig. Si bauet i de Büsch en aiförmigs Nest us Mies, Flechte und Spinnjuppe. Zum Polstere vom Inere bruuchets bis 2000 Federe. Im Winter hockets eng anenand zämedränglet.

Literatur

U. N. Glutz von Blotzheim, K. M. Bauer: Handbuch der Vögel Mitteleuropas (HBV). Band 13/I, Passeriformes (4. Teil): Muscicapidae – Paridae, AULA-Verlag 1993/2001, ISBN 3-923527-00-4
S. Harrap, D. Quinn: Chickadees, Tits, Nuthatches and Treecreepers, Princeton University Press, Princeton/New Jersey 1995. ISBN 0-691-01083-8
Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
J.-Å. Nilsson: Long-tailed Tit (Aegithalos caudatus) in W. J. M. Hagemeijer, M. J. Blair: The EBCC Atlas of European Breeding Birds – their distribution and abundance, T & A D Poyser, London 1997, ISBN 0-85661-091-7
Heinz Staffelbach: Handbuch Schweizer Alpen; Bern 2008.ISBN 978-3-258-06895-4

Weblink

Commons: Pfanstiili – Sammlig vo Multimediadateie

Aegithalos caudatus in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 31. Januar 2009
Video, Foto und Tonufnahme zue Aegithalos caudatus in dr Internet Bird Collection
Aegithalos caudatus bi Fauna Europaea
Javier Blasco-Zumeta und Gerd-Michael Heinze: Gschlechts- und Altersbstimmig (PDF; 0.79 MB)
Federe vom Pfanestiili