Schwarzeburg
D Schwarzeburg (au Schwarzebärg) isch e Burgruine z Waldkilch im Landkreis Ämmedinge z Bade-Wirttebärg.
| Schwarzeburg | ||
|---|---|---|
 D Ruine Schwarzeburg mit Blick Richtig Waldkilch | ||
| Alternativnäme: | Schwarzebärg | |
| Entstehigsziit: | um 1120 | |
| Burgetyp: | Hecheburg | |
| Erhaltigszuestand: | Ruine | |
| Ort: | Waldkilch | |
| Geografischi Lag: | 48° 4′ 12,6″ N, 7° 57′ 47,5″ O | |
| Höchi: | 656 m ü. NN | |
| ||
Lag
ändereD Schwarzeburg lyt uf 656 Meter Hechi uf em Schwarzebärg, eme Uuslaifer vum Kandel. Näbe dr Kaschtelburg isch d Schwarzeburg di weniger bekannt zwot Burgruine, wu dr Stadt Waldkilch ghert.
Gschicht
ändere
D Schwarzeburg isch um 1120 vu dr Schirmvegt vum Fraueschloschter St. Margarethe unter em Conrad von Waldkilcha böue wore, wu isch no 1120 Konrad von Suarzinberg gnännt het un zum Grinder vum Adelsgschlächt von Schwarzenberg woren isch. D Burg isch wahrschyns as Flucht- un Schutzburg aagleit wore
Mit em Konrad isch dr männli Stamm vu dr Waldkilcher Conradiner uusgstorbe. D Gieter vun ene sin anne 1213 uf d Schwescher vum Konrad ibergange, d Adelheid, wu mit em Walter I. von Eschenbach-Schnabelburg ghyrote gsi isch. Im Johr 1270 het dr Johann, e Nookumme vu dr Adelheid, wu in dr Schwyz gläbt het, zämme mit syym Näffe Wilhelm d Herrschaft ibernuu un het sich ab derno Johann I. von Schwarzenberg gnännt. Am 8. Augschte 1300 hän dr Johann un dr Wilhelm von Schwarzenberg em Dorf Waldkilch s Stadträcht verlihe. Anne 1315 hän di bede d Herrschaft deilt: dr Johann het d Kaschtelburg ibernuu, dr Wilhelm d Schwarzeburg.
D Schwarzenberger Linie isch anne 1347 mit em Burgherr Ulrich II. von Schwarzenberg uusgstorbe, dr Johann III. vu dr Kastelberger Linie het derno d Herrschafft un di bode Linie wider zämmegfiert.
Wu dr Hans Werner von Schwarzenberg anne 1459 gstorben isch, sin d Gieter un s Vogteiamt in dr Bsitz vu syym Dochtermann Heinrich von Rechberg zu Hohenrechberg chuu. Syy Suhn Martin von Rechberg het 1503 d Noofolg aadrätte un anne 1540 däm syy Suhn Hans Ludwig von Rechberg.
Noch em Dod vum Hans Ludwig in Johr 1542 het dr Sebastian von Ehingen d Gieter ibernuu. Wu är anne 1559 bi dr Hochzyt vu syyre Dochter vu syym eigene Suhn mit em Dolch verstoche woren isch, het dr Hans Raphael von Reischach 1560 d Herrschaft Schwarzenberg as Läche iberchuu.
1567 het dr Erzherzog Ferdinand von Tirol di verschuldet Herrschaft Schwarzenberg ibernuu. Är het 1578 aagordnet, ass d Schwarzeburg soll abdrait wäre, wel si böufällig gsi isch, des isch aber nit gmacht wore. Wu d Burg anne 1583 dur di vordereschtryychisch Regierig z Anzne bsichtigt woren isch, isch si as stark verfalle bezeichnet wore. Noch eme Bricht vun eme Chronischt vum Margarethestift isch anne 1590 nyt me vum Dachstuhl ibrig gsi un d Muure sin au scho zämmeghejt gsi. D Ruine isch schließli im Lauf vu dr Zyt as Steibruch brucht wore.
Syt 1975 wird d Burgaalag erforscht un reschtauriert; syt 1980 derf mer si bsichtige. E Schild mit dr Gschichtsdate vu dr Burg isch anne 1995 vu dr Stadt Waldkilch ufgstellt wore.
Hite sin vu dr Burg nume no Räscht vu dr Grundmuure z säh.
Weblink
ändere
Commons: Schwarzenburg (Breisgau) – Sammlig vo Multimediadateie- Burg Schwarzenberg uf alemannische-seiten.de
- Burge im Landkreis Ämmedinge uf burgeninventar.de